Dekorimi i qyteteve botërore në prag të festave të fundvitit, Pjetërshani krahasohet me Washingtonin nga mediat ndërkombëtare

Pavarësisht se jetojmë në kohë pandemie dhe njerëzit në mbarë botën po preferojnë të kalojnë të mbyllur nëpër shtëpitë e tyre, për të shmangur kontaktet me tjerët nga frika se mund të infektohen me COVID-19, kjo nuk i ndaloi banorët e fshatit Pjetërshan të Gjakovës që ta dekorojnë vendin e tyre me rastin e festave të fundvitit.

E dekorimi i bredhit dhe hapësirave tjera të Pjetërshanit ka fituar vëmendjen edhe të mediave botërore, duke e krahasuar dekorimin madje me atë Washingtonin, transmeton Telegrafi.

Euronews në rubrikën pa koment, ka publikuar pamjet e dekorimit të disa prej metropoleve botërore, ku ka zënë vend edhe fshati Pjetërshan, i cili gjatë natës ndriçon qiellin me dritat e shumta që janë vendosur.

E kjo nuk është hera e parë që ky fshat në komunën e Gjakovës fiton vëmendjen e mediave prestigjioze botërore, pasi edhe viteve të kaluara është raportuar për dekorimin unik gjatë festave të fundvitit. /Telegrafi/