Deklarohet Ed Woodward pas dorëheqjes nga Unitedi, anashkalon Superligën Evropiane

Manchester United ka lëshuar një komunikatë për shtyp, përmes të cilës ka njoftuar se shefi ekzekutiv, Ed Woodward, do të largohet nga posti i tij në fund të vitit 2021.

Mosmarrëveshjet lidhur me formimin e Superligës Evropiane kanë nxitur dorëheqjen e tij, edhe pse është raportuar se ai e kishte planifikuar largimin e tij në fund të këtij viti.

“Jam ekstremisht krenar që i kam shërbyer Unitedit dhe ka qen nder të punoj për klubin më të madh botëror të futbollit në 16 vitet e fundit”.

“Klubi është i pozicionuar mirë për të ardhmen dhe do ta kem të vështirë largimin në përfundim të vitit”.

“Kemi investuar më shumë se një miliard funte në skuadër gjatë kohës time dhe jam i entuziazmuar me progresin e lojtarëve nën drejtimin e zgjuar të Ole Gunnar Solskjaer ekipit të tij trajnues në dy vitet e kaluara”.

Lexo po ashtu Zyrtare: Woodward deponon dorëheqjen nga posti i shefit ekzekutiv të Unitedit

“Kam dashur shumë që klubi ta fitonte Ligën Premier gjatë epokës time dhe jam i sigurt se bazat janë vënë që ta fitojmë për tifozët tanë pasionantë”.

“Në 16 muajt e fundit ka pasur sfida shumë unike dhe puna e klubit në komunitet dhe përreth botës gjatë pandemisë së COVID-19 ka qenë heroike”.

“Ndikimi financiar te klubet e futbollit ka qenë i rëndë, por Unitedi ka qenë ndër më të fuqishmit dhe elastikët përballë presioneve të jashtëzakonshme financiare”, ka thënë 49-vjeçari duke i përmendur disa prej kupave të fituara gjatë epokës së tij, ndërkaq nuk e ka përmendur në asnjë moment Superligën Evropiane.

Ndryshe, Woodward iu bashkua Manchester Unitedit në vitin 2005, ndërsa në vitin 2013 u bë defakto shef ekzekutiv i klubit. /Telegrafi/