David Schwimmer bën thirrje që llogaria X e Kanye të pezullohet: Gjuha e tij e urrejtjes çon në dhunë

Pas deklaratave antisemite të Kanye West të postuara në llogarinë e tij në Twitter, David Schwimmer i bëri thirrje Elon Musk që të heqë profilin e tij.

Përkatësisht, West ditëve të fundit ka tronditur opinionin me një sërë njoftimesh, ku ndër të tjera ka theksuar se hebrenjtë kontrollojnë botën, duke përfshirë edhe shumë të famshëm.

Si përgjigje, Schwimmer shkroi: “Ne nuk mund ta ndalojmë një të çmendur të përhapë injorancë të mbushur me urrejtje, por ne mund t’i heqim megafonin e tij, Musk”.

View this post on Instagram

A post shared by David Schwimmer (@_schwim_)

Schwimmer tha më tej se ndikimi i West është jashtëzakonisht i rrezikshëm.

“Kanye ka 32.7 milionë ndjekës në X. Ky është dyfishi i numrit të përgjithshëm të hebrenjve në botë. Gjuha e tij e sëmurë e urrejtjes çon në dhunë të vërtetë kundër tyre”, tha ai.

Ai deklaroi se nuk ishte i sigurt se çfarë ishte më keq, “duke u identifikuar si nazist apo fakti që nuk ka mjaftueshëm dënime për ta hequr dhe ndaluar atë nga rrjetet sociale në këtë moment”.

Për kujtim, West ka deklaruar në një nga postimet e tij se ai është nazist dhe racist.

“Unë jam një racist. Stereotipet ekzistojnë për një arsye dhe të gjitha janë të vërteta. Unë e dua Hitlerin dhe çfarë tjetër. Nuk do të kërkoj kurrë falje për komentet e mia për hebrenjtë”, shkroi West.

Një tjetër postim i tij shkaktoi reagime të shumta, ku ai deklaroi se ka autoritet mbi gruan e tij dhe se ajo nuk mund të veshë rroba të veçanta pa lejen e tij. Postimet e mëparshme të Kanye i dhanë atij një ndalim në Twitter nga dhjetori 2022 deri në verën e 2023. /Telegrafi/