Autoritetet bullgare tregojnë gjendjen e të mbijetuarve nga aksidenti tragjik i autobusit në Bullgari ku humbën jetën 45 njerëz

Autoritetet bullgare kanë folur në lidhje me aksidentin e autobusit, duke u fokusuar me më shumë informacione për të mbijetuarit e aksidentit, njofton Telegrafi Maqedoni.

Autobusi ka pasur 52 njerëz – 12 prej të vdekurve janë fëmijë, ndërsa dy prej tyre kanë qenë bineq.

Ndërkohë është bërë e ditur se shtatë persona janë të akomoduar në spitalin Pirogov, prej tyre 5 janë meshkuj dhe dy janë femra.

Profesoresha Maya Argirova, udhëheqësja e Klinikës për traumatologji në spitalin Pirogov tha për bgnes, se të mbijetuarit të aksidentit janë me djegie të fytyrës dhe në pjesën e sipërme të trupit e duarve.

Lexo po ashtu Flet një i mbijetuar nga aksidenti i autobusit në Bullgari

Gjithashtu, disa kanë probleme me frymëmarrjen, si pasojë e thithjes së tymit gjatë djegies së autobusit.

Në përgjithësi, Argirova thotë se të gjithë të mbijetuarit kanë trauma pasi kanë pasur të afërm në autobus dhe të cilët nuk kanë mundur të mbijetojnë.

Përndryshe, sot në vendin e quajtur Pernik në Bullgari ka ndodhur një aksident i tmerrshëm i një autobusi nga Maqedonia e Veriut.

Nga ky aksident tragjik, kanë humbur jetën 45 njerëz nga Maqedonia kurse rreth 20 prej tyre raportohet se kanë qenë të rinj.

Lexo po ashtu Nga viktimat ka edhe fëmijë, njerëzit kërcyen nga dritaret – detaje rreth aksidentit të autobusit me 46 të vdekur në Bullgari

Shkaku i përplasjes është duke u hetuar ndërkohë që në raportimet lokale është thënë se autobusi mund të ketë goditur një parmak.

Incidenti ka ndodhur në autostradën Struma rreth 45 kilometra në perëndim të Sofjes, në orët e para të mëngjesit të së martës.

Një zyrtar nga spitali në Sofje ka thënë se shtatë persona janë duke u trajtuar, të cilët kanë arritur të largohen nga autobusi./Telegrafi/