Këngëtarja e njohur, Dafina Zeqiri ka nisur disa akuza në adresë të ish-menaxherit të estradës, Drin Zatriqi përmes disa postimeve në llogarinë e saj në Twitter.
Ishte Zatriqi ai që pak ditë më parë u shpreh se estrada dhe imediat përdorin ‘lotët e krokodilit’ në lidhje me rastin e dhunimit të 11-vjeçare në Prishtinë.
Ai tha se të njëjtit kanë heshtur në lidhje me një rast të cilin ai tha që është i ngjashëm por kishte të bënte me një kolegë të tyre, duke iu referuar këngëtarit, Butrint Imeri.
Postimi i Drinit në Facebook ka ngjallur reagim nga këngëtarja e njohur, Dafina Zeqiri e cila në një postim në Twitter ka hedhur akuza në drejtim të Zatriqit.
“Drin Zatriqi, mbylle gojën tënde të pistë. Ti je njeri ma zi se krejt çka i permende! Rrahës i grave! Abuzues! Hajn! Mos të flasim për sene tjera! Ti mu më ki përcjell, më ki kërcënuar e del këndej e han m***”, ka shkruar këngëtarja, në postimin të cilin e fshiu më pas.
Foto: Dafina Zeqiri/Twitter
I menjëhershëm ka qenë reagimi i Drinit, që me disa shkrime të tjera në Facebook tha se e sfidon këngëtaren për këto akuza, teksa i kërkoi që nëse ka dëshmi ato t’i bëjë publike.
“Dafina Zeqiri ma paska qëndisë njeëtweet. As nuk po e kuptoj bile pse… sidoqoftë. E sfidoj për këtë akuze! Më paska thënë “rrahës i femrave”. Unë po e pyes publikisht me na e tregu me emër e mbiemër emrin e vajzës që ajo më paska akuzuar…Ose shihem në gjyq. Hajde duffy, tregona!”, ka shkruar Zatriqi fillimisht.
Në një tjetër postim të cilin gjithashtu e fshiu më pas, Dafina ka vazhduar të drejtoj pyetje ndaj Drinit për arsyet që ai ka ikur nga Kosova dhe çfarë ka bërë në Amerikë, ndërsa e shpreh e gatshme për gjyq.
“Mos të flasim pse ke ikur nga Kosova në Amerikë dhe çfarë ke bërë në Amerikë ti! Për gjyq? Hajde kur të duash”, ka shkruar Zeqiri.
Foto: Dafina Zeqiri/Twitter
Ish-menaxheri përveç që tha se me Dafinën do të shihet në gjyq, ai u shpreh se ka shkuar në Amerikë për të njëjtën arsye pse këngëtarja ka ardhur në Kosovë.
