Mbrëmë janë zhvilluar 11 ndeshje në ligën më të fortë të basketbollit në botë.
Golden State Warriors arritën të korrin edhe një fitore në luftën për të mbrojtur titullin e kampionit të NBA-s.
'Luftëtarët' triumfuan para shikuesve të vetë në Oracle Arena kundër Minnesota Timbervolwes me rezultat 116:108.
Vetëm çereku i fundit i takoi skuadrës mysafire, gjë që ishte e pamjaftueshme për të shmangur humbjen.
Basketbollisti më efikas në radhët e vendasve ishte Stephen Curry me 38 pikë. Ai u ndihmua nga Klay Thompson që shtoi 26 pikë dhe katër më pak i pati edhe Kevin Durant.
Te 'ujqërit' më i miri në parket ishteKarl-Anthony Towns me 31 pikë gjersa njëzet sosh i shtoi edhe Andrew Wiggins.
Pas kësaj, Warriors kanë bilanc prej 19 fitoreve dhe nëntë humbjesh gjersa për Minnesotan ishte humbja e 14 kampionale kundrejt 13 triumfeve.
Ndryshe, Golden State në takimin e radhës do të takohet me Toronto Raptors ndërsa Timbervolwes do të ballafaqohen me Sacramento Kings. /Telegrafi/ Rezultatet tjera:Indiana 109:101 Washington
Philadelphia 116:102 Detroit
Boston 113:102 New Orleans
Chicago 89:108 Sacramento
Milwaukee 108:92 Cleveland
Oklahoma City 122:113 Utah
Dallas 101:76 Orlando
Denver 105:99 Memphis
L.A.Lakers 108:105 Miami
Phoenix 119:123 L.A. Clippers
