Çrregullimi i tiroides – pamundësi për shtatzëni. Femrat dhe meshkujt duhet t’i drejtohen endokrinologut
Shpesh ndodh që pas vitit të parë të martesës, femrat fillojnë të bëjnë ekzaminime të ndryshme tek gjinekologu dhe endokrinologu. Poashtu, hulumtohen pak ose pothuajse fare çrregullimet e funksionit të tiroides tek meshkujt si shkaktarë të mundshëm të infertilitetit
Ass.dr.Merita Emini Sadiku, Mr.Sci.PhD
Interniste-endokrinologe
044 161 069
Poliklinika “endoCLINIC”
Duke pasur parasysh që shkaktarët e infertilitetit janë në përqindje të njëjtë, pra 40% e shkaqeve janë tek çrregullimet që i takojnë vetëm femrave dhe poashtu 40% e shkaqeve çrregullime që i takojnë vetëm meshkujve, ndërsa vetëm 20% shkaku mbetet i panjohur, atëherë me plotë të drejtë në të njëjtën kohë duhet të fillojnë ekzaminimet si tek meshkujt edhe tek femrat.
Rreth 1/3 e femrave të cilat kanë problem me mbetjen shtatzënë kanë problem me tiroiden.
Sa i përket çrregullimeve që prekin infertilitetin e që kanë të bëjnë me funksionin e tiroides, më e shpeshtë është hipotireoza, tiroiditi kronik autoimun, hipertireoza, pastaj çrregullime tjera endokrinologjike si hiperprolaktinemia, sindroma e ovarit policistik, hiperandrogenizmi, hipogonadizmi i origjinave të ndryshme etj.
Këto sëmundje prekin direkt fazat e ndryshme të ciklit menstrual duke shkaktuar më pas ovulacion jo të rregullt apo çrregullime të fazës së hershme të implantimit të zhvillimit embrional.
Më shumë se gjysma e pacientëve me hipotireozë kanë çrregullime menstruale. Rreth 46.1% e pacientëve infertile me hipotireozë manifestohen njëkohësisht me hiperprolaktinemi.
Në popullatën tonë, por edhe në vende të ndryshme, hulumtohen pak ose pothuajse fare çrregullimet e funksionit të tiroides tek meshkujt si shkaktarë të mundshëm të infertilitetit.
Te meshkujt, aktiviteti i shtuar i tiroides apo tirotoksikoza shkakton çrregullim të lëvizshmërisë së spermës dhe në aktivitet të ulët të tiroides apo hipotireozëm ndodh çrregullim i morfologjisë së spermës. Në të dyja gjendjet mund të vij deri tek çrregullimi erektil.
Gjithashtu hormonet e tiroides janë shumë të rëndësishme edhe për prodhimin e estrogjenit dhe progesteronit, mungesa e të cilave mund të shkaktojë infertilitet pavarësisht nivelit të lart të prolaktinës.
Aktualisht, dozat e rekomanduara ditore gjatë shtatzënisë që më parë ishin 200 μg/ditë tani janë rritur në 250 μg/ditë.
Për një shtatzëni të suksesshme TSH duhet të jetë <2.5. Gjithashtu niveli i antitrupave tiroiden (anti TPO dhe anti Tg) në sëmundjet autoimmune të tiroides duhet të jetë në nivele sa më të ulëta që të jetë e mundur.
Prandaj, funksioni i tiroides ka rëndësi kyçe në fertilitet dhe depistimi i hershëm dhe trajtimi adekuat mund të rris shanset për shtatzëni dhe të shkurtojë kohën e humbur në adresa të gabuara.
Pra, njëkohësit trajtohuni, femra dhe meshkuj, sapo të keni filluar të brengoseni që të keni fëmijë. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën