Courtois është rikthyer te Belgjika, por situata ka dalë jashtë kontrollit: Portieri thotë se nuk e di çfarë flet Casteels

Portieri i Real Madridit, Thibaut Courtois ka shpjeguar vendimin e tij për t’u rikthyer në skuadrën e Belgjikës.

Courtois ka pranuar përzgjedhjen për herë të parë që kur u largua nga Belgjika vitin e kaluar.

Rikthimi i kësaj jave çoi në njoftimin e tërheqjes ndërkombëtare të portierit të Al-Qadsiah, Koen Casteels, i cili kishte qenë portieri startues gjatë mungesës së Courtois dhe kishte kritikuar ashpër rikthimin e gardianit madrilen në skuadër.

Courtois tha sot: “Siç tha Youri (Tielemans), kishte shumë keqkuptime dhe u thanë gjëra që nuk ishin të drejta. Ne patëm një bisedë që shkoi mirë. Kishte shumë keqkuptime dhe informacione të rreme për atë që ndodhi”.

Lexo po ashtu Situatë e shëmtuar te Belgjika dhe Thibaut Courtois është në qendër të saj

“Kjo gjë me shirita nuk ishte problemi i vetëm. Kam pasur kontakte me lojtarë të tjerë gjatë mungesës sime. Mendova se kjo ishte e qartë për të gjithë, por dje kuptova se nuk ishte kështu”.

Ai vazhdoi: “Jam i lehtësuar, sepse i kemi zgjidhur të gjitha çështjet. Gjithçka është e qartë dhe mund të shohim përpara. E di që kam bërë gabime. Në atë kohë nuk isha 100 për qind gati”.

Dhe kur prishet një marrëdhënie me një trajner, është gjithashtu e vështirë. E di që nuk e kam karakterin më të lehtë, por kisha ndjenjën se ai nuk më respektonte”.

“Ndonjëherë shkojmë shumë larg, por besoj se duhet të mbetet e brendshme dhe se mund të zgjidhet brenda”.

“Unë jam një fitues dhe them atë që mendoj, ndonjëherë ne reagojmë në nxehtësinë e momentit dhe shkon shumë larg. Kur trajneri tha se bëri gjithçka për të më rikthyer, nuk ishte e vërtetë”.

“Edhe shtypi u përpoq të fliste për këtë temë. Mendoj se ishte më mirë të mos thuash asgjë”.

“Nuk e di nëse do të kisha reaguar ndryshe. Për grupin dhe tifozët po, por nuk mund të ndryshoj kush jam”, potencoi më tej belgu.

Courtois gjithashtu pranoi se e kupton Casteels, duke deklaruar: “Unë mund ta kuptoj Koen, pasi ai ishte numri një dhe tani po kthehem. Por federata donte që unë të kthehesha që në fillim, kështu që u vura në dispozicion”. /Telegrafi/