Courtney Love mbështet publikisht Johnny Depp në gjyqin kundër Amber Heard, thotë se ai i shpëtoi jetën pas mbidozës

Aktorja dhe këngëtarja, Courtney Love ka treguar mbështetje për Johnny Depp në mes të betejës së tij ligjore të vazhdueshme kundër ish-bashkëshortes, Amber Heard.

Këngëtarja kujtoi një kohë kur ylli i “Pirates of the Caribbean” i shpëtoi jetën pasi mbidozës në “The Viper Room” në 1995.

Klubi i natës i vendosur në Sunset Strip në West Hollywood të Kalifornisë, fillimisht ishte në bashkëpronësi të Depp dhe një pikë e frekuentuar për të famshmit në vitet ’90.

“Nuk dua të bëj gjykime publikisht. Thjesht dua t’ju them se Johnny më dha CPR në 1995 kur e teprova jashtë “The Viper Room”, tha Love në një video të postuar në llogarinë e një miku në rrjetet sociale gjatë fundjavës.

Në kohën e incidentit, Love po merrej me humbjen tragjike të bashkëshortit Kurt Cobain, i cili bëri vetëvrasje në vitin 1994 në moshën 27-vjeçare.

Të dy u martuan në vitin 1992 dhe patën një fëmijë së bashku: vajzën Frances Bean, tani 29 vjeç.

Love tha në video se Depp kontaktoi vajzën e saj në shumë raste. Ajo pretendon se aktori i shkroi Frances një letër për ditëlindjen e saj të 13-të mes vdekjes së parakohshme të babait të saj dhe betejës së nënës së saj me varësinë.

Lexo po ashtu Të gjitha lajmet nga Johnny Depp

“Johnny, kur unë isha në krisje dhe Frances duhej ta vuante këtë me gjithë këta punonjës socialë, i shkroi asaj një letër me katër faqe që nuk ma kishte treguar kurrë”, shpjegoi Love.

“Më pas ai dërgoi limuzinat në shkollën e saj pa i kërkuar, që ajo dhe të gjithë miqtë e saj të shkonin te “Pirates of the Caribbean”, vazhdoi ajo.

“Ai e bëri atë shumë herë. Ai i dha asaj vendin e saj në premiera me emrin e saj në të. Unë kurrë nuk kam parë një nga ata filmat ‘Pirates’, por Frances i pëlqeu ata. Kur ishte 13 vjeçe ajo më tha ‘ai më shpëtoi jetën”, deklaroi aktorja.

Në fund të videos, Love e bëri të qartë se ndërsa po mbante anën e Depp në gjyqin për shpifje, ajo kishte ende “ndjeshmëri” për Heard.

“Kam qenë gruaja më e urryer në Amerikë. Unë kam qenë gruaja më e urryer në botë përpara TikTok… Kam shumë ndjeshmëri për atë që duhet të ndihet për Amberin. A mund ta imagjinonin të jeni ajo?”, ajo tha Love.

“Por nëse përdorni një lëvizje për përfitimin tuaj personal, dhe abuzoni me atë, atëherë shpresoj që drejtësia të shërbehet sido që të jetë”, u shpreh ajo.

View this post on Instagram

A post shared by Jessica Reed Kraus (@houseinhabit)

Depp aktualisht po lufton në gjykatë me Heard, për një shkrim të Washington Post të vitit 2018 që ajo shkroi, në të cilin ajo e përshkruante veten si viktimë e dhunës seksuale.

Ndërsa Heard nuk e përmendi Depp me emër, ylli i “Edward Scissorhands” pretendon se artikulli njollosi reputacionin dhe karrierën e tij.

Depp, i cili ishte i martuar me Heard nga viti 2015 deri në 2017, ka mohuar me forcë pretendimet e ish-it të tij. /Telegrafi/