Corriere della Sera rindërton masakrën e Berlinit – nga vjedhja e kamionit të vdekjes, tek vrasja e terroristit (Foto)

Prestigjiozja italiane Corriere Della Sera ka rindërtuar sot të gjithë skenën nga masakra e Berlinit të hënën në mbrëmje deri tek momenti kur i dyshuari Anis Amri, 24-vjeç u vra në Milano pasi qëlloi me armë një polic.

Si arriti të merrte kamionin e masakrës, si hyri në tregun e Krishtlindjeve në Berlin ku shkaktoi 14 të vdekur dhe 48 të plagosur, por edhe si arriti t’i shpëtonte policisë gjermane për të hyrë më pas në shtetin italian. “Corriere Della Sera” ka mundur të rindërtojë skemën e plotë.

1- KAMIONI I ATENTATIT NISET NGA ITALIA

Kamioni që u përdor të hënën në masakrën e Berlinit u nis nga Italia të premten e kaluar rreth orës 18:00, ndërsa ishte ngarkuar më parë me skela çeliku në Brianza. Pronari i mjetit ishte biznesmeni polak Ariel Zuraëski, i cili tregoi se dërgesën do ta bënte kushëriri i tij, i gjetur i vdekur në kabinën e kamionit, pasi ishte qëlluar me pistoletë.

2- AMIN AMRI HYN NE KAMION AFER TREGUT TE KRISHTLINDJEVE NE BERLIN

Sipas një hipoteze të ngritur, sulmuesi ka arritur të rrëmbejë kamionin në një parkim në Berlin afër tregut të Krishtlindjeve dhe ka detyruar shoferin t’i lerë drejtimin e tij. Kompania që zotëron kamionin, siç raporton sajti polak “Money.pl”, ka njoftuar se për rreth katër orë, personi që ishte në kamion, e ka ndezur dhe e ka fikur mjetin disa herë.

3-TERRORISTI KERCENON ME ARME SHOFERIN, MERR DREJTIMIN E KAMIONIT

Pasi ka mundur të hipë në kamion, terroristi i ka drejtuar armën shoferit dhe ka marrë drejtimin e mjetit Një punonjës i kompanisë polake Money.pl. që ka vëzhguar lëvizjet e kamionit tregon se: “Dukej sikur dikush përpiqej ta ndizte dhe ta fikte kamionin duke u munduar të ecte”. Tentativa e parë është bërë në 15:44, më pas një më vonë, në 16:52. Pra, motori ka mbetur ndezur deri në 17:37 edhe pse mjeti nuk ka lëvizur.

4- SHOFERI PERLESHET ME TERRORISTIN KUR SHEH SE PO I DREJTOHET TURMES SE NJEREZVE

Mendohet që mes terroristit dhe shoferit të ketë pasur përleshje në momentin që ky i fundit ka kuptuar qëllimet e 24-vjeçarit. “Shoferi polak Lukasz Urban ishte ende gjallë në momentin që kamioni ka hyrë me shpejtësi në mes të tregut të Krishtlindjeve dhe ka bërë të pamundurën për ta ndaluar, madje është përleshur me të. Sipas Bild Zeitung, e cila citon burime afër grupit të hetimit, që bazohen tek autopsi që i është bërë trupit të shoferit, i masakruar me thikë dhe i qëlluar me pistoletë. Kuptohet që në të ka shenja të përleshjes për një kohë të gjatë me terroristin, të cilin nuk mundi ta devijonte nga turma dhe mbeti i vdekur”,- shkruan Corriere Della Sera.

5- TERRORISTI PËRPLASET ME TURMËN

Pas përleshjes mes të dyve, terroristi ka dalë fitimtar dhe është përplasur çmendurisht me turmën e njerëzve në tregun e Krishtlindjeve duke lënë pas 12 të vdekur dhe 48 të plagosur. Ai arrin të largohet nga vendngjarja.

6-POLICIA GJERMANE NDALON NJERIUN E GABUAR

Fill pas atentatit policia deklaroi se kishte kapur autorin e dyshuar të sulmit një refugjat nga Pakistani, por pak orë më pas u detyrua ta përgënjeshtronte duke thënë se ishte njeriu i gabuar. Ndërsa ai u la i lirë, u tha se autori i masakrës ishte endi i lirë.

7-AMIR HYN NË ITALI, POLICËT I KËRKOJNË LETËRNJOFTIM

Në orën 3 të natës mes së enjtes së 22 dhjetorit dhe së premtes së 23 dhjetorit një i ri i dobët ecën krejt i vetëm përpara sheshit San Giovanni në Milano. Dy policë të patrullës e ndalojnë dhe i kërkojnë një dokument identifikimi.

8- TERRORISTI QËLLON ME ARMË MBI POLICËT ITALIANË

Në momentin që policët italianë i kanë kërkuar një dokument identifikimi, terroristi nxjerr nga çanta e tij një pistoletë të kalibrit 22 e cila rezulton të jetë e njëjta me të cilën ka vrarë shoferin polak, me të cilën qëlloi edhe njërin nga policët italianë duke e plagosur në shpatull.

9- POLICI ITALIAN VRET TERRORISTIN, IDENTIFIKOHET

Në momentin që Amir ka hapur zjarr mbi policët italian, kolegu i policit të plagosur, 29-vjeçari Luca Scata i është kundërpërgjigjur me armë duke e lënë të vdekur në vend. Polici kishte vetëm 9 muaj në detyrë, ndërsa pak orë pas kësaj mësohet se kishte vrarë killerin e Berlinit. /bw/