Cole Palmerit i është dhënë pseudonimi i çuditshëm te Chelsea për shkak të një zakoni

Cole Palmerit i është vënë një pseudonim i ri i çuditshëm nga një nga shokët e tij të skuadrës në Chelsea për shkak të një zakoni të tij.

Anglezi shijoi një sezon të parë të shkëlqyer te Blutë pas lëvizjes së tij nga Manchester City verën e kaluar, duke shënuar 25 gola dhe duke asistuar 15 të tjerë në të gjitha garat.

21-vjeçari u votua lojtari i sezonit i Chelseat dhe fitoi çmimin e Lojtarit të Ri të Sezonit në Ligën Premier dhe u shpërblye më tej me një vend në skuadrën prej 26 lojtarësh të Anglisë për Euro 2024 këtë verë.

Lexo po ashtu Fabrizio Romano zbulon se sa do të jetë paga e Marescas te Chelsea

Nuk është për t’u habitur që Palmer e ka vendosur veten si një favorit i fortë i tifozëve në Stamford Bridge, me mbështetësit që e pagëzuan atë “Palmer i Ftohtë” (Cold Palmer) falë qëndrimit të tij të qetë dhe qetësisë së dukshme gjatë momenteve të presionit të lartë, të tilla si gjatë ekzekutimit të penalltive.

Sulmuesi tani ka marrë edhe një pseudonimin, duke bërë një veprim si t’i vinte ftoht kur feston golat e tij.

Megjithatë, ky nuk është pseudonimi që përdor për të portieri i Chelseat, Djordje Petrovic.

Ashtu si Palmer, Petrovic mbërriti në Chelsea verën e kaluar dhe shpejt u vendos si titullar i rregullt. Pasi zëvendësoi Robert Sanchez në portë, gardiani i ardhura nga MLS mbajti shtatë porta të paprekura në 31 ndeshje.

Duke folur në një intervistë për klubin, Petrovic tha: “Ndonjëherë hamë drekë bashkë dhe unë kam shumë panxhar, shumicën e rasteve. Kështu, Cole më vuri pseudonimin Beetroot”.

“Më duhej një për të dhe ai ha shumë fasule, gjë që mendoj se është normale për anglezët, kështu që ai tani është Beans. E di që njerëzit e quajnë Cold Palmer, që është një pseudonim i saktë për të, por për mua ai është Beans”. /Telegrafi/