City i Pep Guardiolas triumfon me një fitore të thellë në Anfield, Liverpooli gjithmonë e më larg kreut

Manchester City ka fituar derbin e javës në Ligën Premier ndaj Liverpoolit me rezultat 1-4 në Anfield.

Ekipi i Pep Guardiolas bëri një lojë më të mirë, posaçërisht në pjesën e dytë dhe kështu në fund mori një fitore të merituar.

Pjesa e parë ishte pa gola, kryesisht me një lojë të bukur në mesfushë nga të dy ekipet, por nuk munguan edhe rastet. Sadio Mane (24’) dhe Roberto Firmino (29’) krijuan mundësi për gol, ndërsa Iklay Gundogan humbi penalltinë në minutën e 37-të.

Pjesa e dytë ishte shumë më e zjarrtë, Gundogan shënoi në minutën e 49-të dhe kështu përmirësoi gabimin e pjesës së parë. Nuk kaloi shumë dhe Reds barazuan rezultatin në 1-1, ishte Mohamed Salah që shënoi nga pika e bardhë (63’).

Në vazhdim loja ishte e gjitha e dominuar nga mysafirët, Gundogan shënoi edhe një herë në minutën e 73-të, ndërsa pas tre minutash edhe Raheem Sterling dhe në fund për 1-4 Phil Foden (83’).

Pas kësaj fitore ekipi i Pep Guardiolas renditet në vendin e parë në Ligën Premier me 50 pikë, kurse ai i Jugen Klopp në pozitën e katër me 40 pikë.

City në xhiron e rashës luan kundër Tottenhamit, kurse Reds ndaj Leicester Cityt. /Telegrafi/

https://twitter.com/GG24554953/status/1358470376385298433

https://twitter.com/ww40403318HD/status/1358473405939474432

https://twitter.com/ww40403318HD/status/1358475939240431623

https://twitter.com/ww40403318HD/status/1358476707766939650

https://twitter.com/ww40403318HD/status/1358478281159368704