Këto janë parfumet e disa nga yjet tani për tani më të famshme

Të famshmet rregullisht na kënaqin me kombinimet e tyre të modës dhe shija e tyre nuk është më pak e rëndësishme kur bëhet fjalë për aromën që lënë pas, sepse ndonjëherë është shumë më e fuqishme se vetë stili.

Reklama

Parfumi është bërë një aksesor mode, atë e përdorim sipas disponimit, në varësi të asaj nëse e zgjedhim për ditën apo mbrëmje, dhe sipas stinëve, transmeton Telegrafi.

Christian Dior thotë se “parfumet janë ‘prekja’ e fundit e stilit të një gruaje’, por cilat parfume i përdorin gratë e famshme me stil – Rosie, Gigi, Bella, Selena, Kaia, Hailey, Zendaya?

Reklama

Rosie Huntington-Whiteley nuk fsheh fiksimin e saj të parfumeve Byredo, ndërsa më i preferuari është Gypsy Water, me aromë unisex, të cilin e karakterizojnë nota druri. Bazën e përbëjnë aromat e drurit santalit, vaniljes dhe ambras, notave të mesme të halave të pishave dhe temjanit, si dhe aromat e larta të limonit, bergamotës, piperit dhe dëllinjës.

Reklama

Megjithatë, nuk është i vetmi parfum që përdor – sepse ai që i ngjall kujtimet e saj të preferuara është Jo Malone Lime Basil Mandarin, që i kujton nënën dhe gjyshen. Ky parfum unisex agrumesh përmban aroma të gëlqeres, mandarinës, bergamotit, borzilokut, trumzës, jargavanit dhe irisit dhe paçulit.

Reklama

Notat e drurit dhe agrumeve i preferon edhe Gigi Hadid, e cila gjithherë e rikthehet parfumit Acqua di Gioia. Notat e saj të sipërme janë limoni nga amalfia dhe menta, të mesme jasemini, bozhuri dhe piperi i kuq, ndërsa bazën e përbëjnë cedri, sheqeri i kafenjtë dhe rrëshira labdanum.

Nga ana tjetër, motra e saj Bella Hadid është fytyra e aromës Versace Dylan Blue, një parfum me lule frutash me notat e mollës jeshile, rrush pa fara e zezë, pjeshkës, trëndafilit, jaseminit, por edhe myshkut dhe paçulit.

Reklama

Aromat e frutave dhe të luleve i pëlqen edhe Zendaya, fytyra e parfumit Lancome Idole. Dardha dhe bergamoti si nota kryesore, trëndafila dhe jasemini formojnë zemrën, ndërsa myshku dhe vanilja formojnë bazën e këtij parfumi, i cili është i dashur nga ikona e re e modës.

Reklama

Manekinia dhe vajza e supermanikines Cindy Crawford, Kaia Gerber, stilin e së cilës e adhurojmë, gjithmonë përdor aroma të freskëta – të parfumit Marc Jacobs Daisy Love të cilin e hapin notat e frutave të manit, në esencë është aromë delikate e luleshqerrës, notat sensuale të drurit dhe myshkut formojnë bazën. Dashuria e Kainës për parfumet e kësaj linje ka zgjatur prej kohësh – modelja e njohur tha se parfumi i parë që zotëronte ishte Daisy.

Reklama

Aromat e Marc Jacobs pëlqehen gjithashtu nga Selena Gomez me Daisy Eau So Fresh, e cila kombinon tonet e mjedrës, grejpfrutit dhe jeshiles, zemra e luleve përbëhet nga jasemini, trëndafili i egër, manushaqja, ndërsa baza është myshku, kedri dhe kumbulla.

Reklama

E famshmja Hailey Bieber pëlqen gjithashtu notat e lychee (qershia kineze) dhe jasemini; një parfum që përshkruan gruan sensuale dhe joshëse pariziane, Ex Nihilo Fleur Narcotique. Notat e sipërme janë bergamot, lychee dhe pjeshkë, zemra është jasemini, lule portokalli dhe bozhure, ndërsa baza përbëhet nga nota druri dhe myshku.

Por ky parfum i veçantë nuk është i vetmi që përdor Hailey, dhe ajo zbuloi se një nga të preferuarit e saj është një nga linja e parfumeve të famshëm – R.E.M. Ariane Grande, një aromë e ëmbël orientale që përmban aroma të karameles, kripës, fikut, ftoit, livandës, luleve të dardhës, dru sandalit dhe myshkut. /Telegrafi/

Reklama
Reklama