Chris Rock zbulon se iu kërkua të ishte nikoqir i “Oscars” pas shuplakësh famëkeqe të Will Smith, por ai ka refuzuar ofertën

Muaj pasi Will Smith e goditi atë me shuplakë në skenën e “Oscars”, Chris Rock zbuloi gjatë një shfaqjeje ‘stand-up’ se Akademia i kërkoi atij të ishte nikoqir.

Rock, 57 vjeç, po performonte ‘stand-up’ komedi në Phoenix në Teatrin Financiar të Arizonës të dielën (28 gusht), kur zbuloi se nuk pranoi të kthehej si nikoqir në ceremoninë e ndarjes së çmimeve.

Komediani, i cili më parë ishte nikoqir i “Oscar” në 2005 dhe 2016, në thelb e krahasoi kthimin në Teatrin Dolby si rikthimi në skenën e një krimi, shkruan DailyMail.

Rock tha se t’i kërkosh atij të kthehej do të ishte si t’i kërkoje Nicole Brown Simpson, ‘të kthehej në restorant’, duke iu referuar gruas së ndjerë të OJ Simpson.

Nicole ishte duke ngrënë në një restorant italian dhe la syzet e saj të diellit atje, kur kamerieri Ron Goldman që po kthehej tek ajo për të ia dërguar syzet para se të dy të vriteshin brutalisht jashtë shtëpisë së saj.

Komediani gjithashtu zbuloi gjatë performancës se atij iu kërkua të bënte një reklamë të Super Bowl pas shuplakës, por ai gjithashtu e refuzoi atë.

Rock nuk do të hynte në detaje se cila kompani i kërkoi atij të luante në klipin e Super Bowl.

Kur ai u nxit nga një anëtar i audiencës të “fliste për këtë”, duke iu referuar shuplakës së Smithit, Rock pranoi se ajo e lëndoi, duke shtuar se Smith luajti legjendën e boksit Muhamed Ali në një moment të karrierës së tij.

Rock ishte duke prezantuar çmimin për dokumentarin më të mirë në Oscars në fund të marsit, kur bëri një shaka për gruan e Smith, Jada Pinkett-Smith, që kishte flokë tullac dhe që ajo mund të luante rolin e ardhshëm në “GI Jane 2”.

Jada u pa duke rrotulluar sytë nga shaka dhe pak çaste më vonë, Will u ngjit në skenë dhe goditi një komedianin me shuplakë.

Smith u përjashtua nga Akademia dhe të gjitha ngjarjet e saj për 10 vjet si pasojë e shuplakës tashmë famëkeqe.

Ndërsa Smith ka kërkuar falje për veprimet e tij, Rock nuk ka folur shumë për shuplakën në pesë muajt e fundit.

Gjatë kërkimit të faljes me videon e Smith, ai zbuloi se kishte kontaktuar personalisht me Rock-un, por komediani nuk ishte ende ‘gati’ të fliste me të.

Rock ka përmendur shkurtimisht incidentin gjatë turneut të komedisë Ego Death, megjithëse ai nuk ka bërë një rrëfim të plotë për të. /Telegrafi/