Chelsea futet fuqishëm në garë për të nënshkruar me Viktor Gyokeres

Viktor Gyokeres është një nga sulmuesit më në formë në Evropë, pasi ai vazhdimisht shënon dhe asiston me fanellën e Sporting Lisbonës.

Shumë klube të mëdha janë venë në garë për lojtarin duke përfshirë Arsenalin, Manchester United, Bayern Munich dhe Barcelonën.

Por së fundmi edhe gjiganti tjetër anglez Chelsea po shqyrton një lëvizje në janar për Viktor Gyokeres , i cili mund të largohet nga Sporting CP brenda një muaji, raporton David Ornstein i The Athletic.

Lexo po ashtu E duan shumë klube, Gyokeres ‘ka vendosur’ se ku do ta vazhdojë karrierën

Pavarësisht pritshmërive që sulmuesi suedez do të largohet nga Sporting CP në fund të sezonit, e ardhmja e 25-vjeçarit është e pasigurt pas largimit të trajnerit Ruben Amorim.

Gyokeres ka një klauzolë lirimi prej 100 milionë euro, por ai mund të jetë në dispozicion për rreth 70 milionë euro, me Sporting të gatshëm për të negociuar.

Lexo po ashtu Amorim tregon nëse Gyokeres do t'i bashkohet atij te Man Utd

Chelsea është e interesuar për Gyokeres prej muajsh tashmë, duke e ndjekur atë që nga vera dhe janë të gatshëm të ndërhyjnë në janar për ta transferuar në Stamford Bridges.

26-vjeçari ka pasur një nisje spektakolare të sezonit, ku në 20 ndeshje ka shënuar 24 gola dhe ka asistuar në katër të tjerë në të gjitha garat. /Telegrafi/