Çfarë do të thotë nëse gjuha ka brazda? Dy ndryshime zbulojnë gjendjen e trupit tuaj dhe nëse jeni të rrezikuar nga sëmundjet

Ndoshta të gjithëve na ka ndodhur të ndiejmë dhimbje të papërshkrueshme që ndodhin kur kafshojmë gjuhën

Edhe pse kjo pjesë e trupit është e fshehur në zgavrën e gojës, pamja e saj, si çarje apo ndryshim ngjyre, mund të tregojnë disa probleme shëndetësore.

Brazdat në skajet anësore janë rezultat i fërkimit dhe presionit të shpeshtë ose të vazhdueshëm dhe të ushtruar nga dhëmbët në gjuhë.

Me këtë problem përballen edhe personat te të cilët kjo pjesë e aparatit të të folurit është më e madhe se “normale”, transmeton Telegrafi.

Ndryshe nga një dëmtim aksidental, këto shenja dhe gunga në skajet anësore të gjuhës zakonisht nuk shkaktojnë dhimbje, por skuqja e mukozave dhe një ndjenjë e pakëndshme megjithatë sinjalizojnë se keni nevojë për ndihmë mjekësore.

Çfarë mund të jetë simptomë një gjuhë e “kafshuar”?

1. Infeksion, lëndim ose alergji

-Inflamacioni lokal është përgjigja natyrale e trupit ndaj infeksionit, sëmundjeve orale kronike dhe afatgjatë, alergjenëve ose dëmtimit të indeve. Pirja e duhanit gjithashtu rrit rrezikun e edemës.

2. Gërhitja

Mungesa e oksigjenit gjatë gjumit kompensohet nga mbajtja e lëngjeve, e cila gjithashtu çon në ënjtje të gjuhës. Gjuha e ënjtur është më e ndjeshme ndaj lëndimeve të shkaktuara nga dhëmbët në zgavrën e gojës.

3. Mungesa e vitaminave, mineraleve dhe ujit

Gjuha e zmadhuar është rezultat i mungesës së vitaminave B, hekurit, niacinës, riboflavinës, si dhe dehidratimit të trupit.

4. Mosfunksionime të kyçeve të nofullës

Zhvillimi i kësaj gjendje më së shpeshti manifestohet nga një zakon shumë i keq i “kërcitjes” së dhëmbëve dhe mund të jetë simptomë e një gjendjeje tjetër.

5. Sëmundje të caktuara

Ënjtje dhe “gunga” në gjuhë ndodhin shpesh në sindromën Down dhe Apert, hipotiroidizëm, sarkoidozë, amiloidozë, tuberkuloz, mieloma multiple, proteinozë lipoide, neurofibromatozë etj.

Çfarë mund të bëhet për të zbutur situatën?

Nëse gjuha e “kafshuar” është pasojë e një vesi të keq zakoni, pamaturisë dhe pakujdesisë, thjesht duhet të kujdeseni për të shmangur këtë “kafshim”. Me kalimin e kohës, ndryshimet në pamje do të zhduken.

Në disa raste, ky fenomen shkaktohet nga dieta jo e duhur dhe është e nevojshme të korrigjohet menyja. Pasurojeni atë me ushqime që përmbajnë vitaminë B12 dhe hekur. Është gjithashtu e dobishme të rritet marrja e bishtajoreve, perimeve me rrënjë (karota, selino, majdanoz, panxhar), drithëra.

Nëse gjuha e “kafshuar” është simptomë e një sëmundjeje, është e nevojshme të vendoset një diagnozë e saktë dhe më pas të fillohet trajtimi i asaj sëmundjeje. /Telegrafi/