Çfarë i ndodh trupit nëse e zëvendësoni çdo pije me ujë?

Uji i pastër është ilaçi i parë në botë dhe më i miri që ekziston.

Shumica e njerëzve e konsiderojnë konsumimin e ujit si një dush për brendësinë e trupit. Është edhe dëshmi shkencore se njerëzit të cilët konsumojnë mjaftueshëm ujë, kanë përmirësim në mirëqenien fizike dhe mendore, transmeton Telegrafi.

Konsumimi i mjaftueshëm ditor i ujit (tetë gota në ditë) jua hidraton trupin dhe e mbush me energji të nevojshme për t’i kryer funksionet e veta pa ndonjë problem.

Uji mund të klasifikohet si ilaç për shumë probleme dhe çrregullime shëndetësore.

Përdoret për stimulimin e sistemit të tretjes, për forcimin e sistemit të imunitetit, për shpejtimin e metabolizmit, për proceset e eliminimit të toksinave, për përmirësimin e qarkullimit, etj.

Më poshtë i keni disa arsye se përse duhet të provoni ta zëvendësoni thuajse çdo pije tjetër me ujë.

Konsumimi i ujit ju bën të humbni peshë
Nëse pini vetëm ujë për 9 ditë, numri i kalorive që i humbni mund të jetë i barabartë me 8 kilometra vrapim në ditë.

Jua rritë nivelet e energjisë dhe e shpejton metabolizmin
Fillojeni ditën duke pirë ujë posa të zgjoheni nga gjumi dhe kështu do ta rritni metabolizmin.

Truri funksionon më mirë
Është fakt se truri përbëhet nga 75-85% ujë, që nënkupton se gjithmonë duhet të furnizohet me ujë. Prandaj, konsumimi i ujit jua përmirëson përqendrimin dhe funksionin e përgjithshëm të trurit.

Ju ndihmon të hani më pak
Duke konsumuar ujë, ju e shtypni apetitin dhe e nxitni humbjen e peshës.

Me ujë, trupi i largon toksina më shpejt
Substancat e dëmshme mund të pastrohen me ujë dhe rrjedhimisht të ngadalësohet procesi i plakjes.

Uji e zvogëlon rrezikun e shumë sëmundjeve
Disa prej këtyre sëmundjeve janë ato të fshikëzës urinare, hipertensioni, etj.

Zemra funksionon më mirë kur pini mjaftueshëm ujë
Duke i konsumuar 5 gota ujë në ditë ju mund ta ulni rrezikun e sulmit të zemrës deri në 42%.

Lëkura është më e mirë
Uji e ka aftësinë për ta hidratuar dhe pastruar lëkurën. Prandaj, duke konsumuar mjaftueshëm ujë, ju do të keni një lëkurë të butë e të pastër. /Telegrafi/