Çfarë ju thotë pozita e trupit të qenit gjatë gjumit?

Qentë e duan gjumin dhe për këtë qëllim zgjedhin poza të ndryshme.

Në shpinë, në bark, apo disi ndryshe, – është zgjedhje e cila varet nga vetë qeni. Megjithatë, pozita e trupit të tij gjatë gjumit mund të tregojë disa gjëra.

Nëse fle në krah

Nëse e gjeni qenin duke fjetur në krah, kjo mund të thotë që qeni është i lumtur dhe me siguri ndihet i sigurt. Gjumi në krah mund të na thotë që qeni është i kënaqur me pronarin e vet dhe ndihet mirë pranë tij.

Qeni ka arritur besimin në ju

Nëse shputat i vendos nën trup, bishti prek kokën, ndërkaq fle i mbledhur. Është pozitë shumë e shpeshtë e gjumit të qenve është e ashtuquajtura pozitë dhelpre. Qentë me këtë pozitë të trupit me rastin e gjumit ruajnë temperaturën e trupit të tyre. Qentë të cilët flenë në këtë pozitë janë të butë, të këndshëm dhe miqësorë.

Gjumi në stomak, me të katër këmbë të shtrira

Nëse qentë flenë me këmbë të shtrira, në barkë, ndërkaq koka e prek dyshemenë, kjo mund të tregojë që ai qenë është shumë energjik, vital, andaj ajo pozitë i ndihmon që të reagojë shpejt, transmeton Telegrafi.

Gjumi në shpinë, me katër këmbët lart

Gjumi në këtë pozitë nuk do të duhej t’ju brengosë. Qeni është në këtë pozitë më i lëndueshëm, mirëpo kur në shtëpinë tuaj fle në këtë mënyrë do të thotë që ka një nivel të lartë besimi dhe sigurie kur gjendet panë jush.

Gjumi në stomak, derisa pjesa tjetër e trupit është e lakuar në njërën anë

Me fjetjen në këtë pozitë qeni juaj nuk mund të lirohet në tërësi, sepse muskujt i janë të tendosur. Mirëpo, kjo nuk do të duhej t’ju brengosë shumë, sepse nuk do të thotë patjetër që qeni nuk ndihet i sigurt. Nëse qeni ka shpirt aventurieri dhe nëse është shumë energjik, do të fle kështu.

Fjetja në shpinë me këmbët e pasme lart

Qeni është i lumtur dhe i relaksuar në këtë pozitë, dhe pikërisht ajo pozë për gjumë i ndihmon që të lirohet nga nxehtësia e tepërt. Përkushtojuni qenit tuaj, ndërkaq ai në shumë mënyra do t’i shprehë ndjenjat dhe nevojat, – kjo është njëra ndër to. /Telegrafi/