Çfarë fatkeqësie për Paul Pogban: Mes lotëve lëshon fushën

Ylli i Juventusit, Paul Pogba kishte startin e tij të parë në 390 ditë, por zgjati pak më shumë se 20 minuta para se të pësojë një lëndim tjetër muskulor.

Mesfushori pati një fillim të shkëlqyeshëm kundër Cremonese në Allianz Stadium në Torino, duke pasur disa gjuajtje, por kur ai goditi në nga distanca, ai papritmas ndaloi dhe menjëherë ndjeu se diçka nuk po shkonte.

Pogba ishte dukshëm i shqetësuar ndërsa mori trajtim në gjurin dhe kofshën e majtë, por ishte në gjendje të dilte nga fusha për t’i hapur rrugën Arkadiusz Milik.

Get well soon, Paul 🙏#JuveCremonese

— Lega Serie A (@SerieA_EN) May 14, 2023

Stafi mjekësor i Juventusit bëri të ditur për Football Italia se është një çështje e kuadricepit të majtë.

28-vjeçari tërhoqi fanellën e tij mbi fytyrë për të fshehur lotët, të cilët ishin ende të dukshëm pas një goditjeje qetësuese në shpinë nga trajneri Massimiliano Allegri.

Ishte jashtëzakonisht e ngjashme me ndeshjen e fundit që filloi Pogba, e cila ishte për Manchester United kundër Liverpoolit në prill 2022.

Përfshirë këtë mbrëmje, Pogba ka mundur të luajë vetëm 159 minuta futboll me fanellën e Juventusit këtë sezon.

Kjo do të thotë gjithashtu se ai do të jetë jashtë gjysmëfinales së Ligës së Evropës të së enjtes së ardhshme kundër Sevillas. /Telegrafi/

https://www.youtube.com/watch?v=Pf0DGX5rwM4&ab_channel=HaseebQureshi