Lajmi për vdekjen e kritikut të Kremlinit, Alexei Navalny tronditi sot botën derisa të shumta kanë qenë reagimet nga vendet perëndimore duke fajësuar presidentin rus Vladimir Putin për këtë.
Por çfarë dihet për rastin dhe çfarë u tha për vdekjen e kritikut të Putinit?
Sipas raportimeve ruse, Alexei Navalny kishte dalë për një shëtitje të shkurtër në koloninë e tij penale siberiane, tha se nuk ndihej mirë, më pas u rrëzua dhe nuk rifitoi kurrë më vetëdijen, transmeton Telegrafi.
Ai ishte 47 vjeç. Gjendja e tij ishte përkeqësuar në këto tre vjet sa ishte në burg, ku u ankua se iu ishte mohuar trajtimi mjekësor dhe kishte kaluar gati 300 ditë në izolim. Deri para arrestimit të tij në janar të vitit 2021, ai kishte kaluar muaj duke u shëruar nga një helmim me agjent nervor.
Megjithatë, ai u duk se ishte në gjendje të mirë shpirtërore dhe me shëndet relativisht të mirë në një video gjyqësore një ditë para vdekjes së tij.
Pesha e opinionit ndërkombëtar nuk duket se përputhet me rrëfimin e Rusisë për atë që i ndodhi atij në koloninë penale IK-3 ose “Ujku Polar” – një nga burgjet më të këqija të Rusisë.
Ministri i Jashtëm francez Stephane Sejourne tha se Navalny “e pagoi me jetën e tij” për “rezistencën e tij ndaj shtypjes ruse”, duke shtuar se vdekja e tij ishte një kujtesë e “realitetit të regjimit të Vladimir Putinit”.
Nëna e Navalnyt, Lyudmila tha se djali i saj ishte “gjallë, i shëndetshëm dhe i lumtur” kur e pa për herë të fundit më 12 shkurt.
Gruaja e tij Yulia foli sot në Konferencën e Mynihut në Gjermani duke thënë se ende nuk po u besonte raportimeve.
Çfarë thonë raportimet ruse për rastin e vdekjes së tij
Agjencia ruse e lajmeve Interfax raporton se mjekët ishin përpjekur gjysmë ore për ta kthyer në jetë.
Sipas autoriteteve të burgut, mjekët reaguan brenda dy minutave pas kolapsimit të tij derisa ambulanca kishte ardhur brenda gjashtë minutave.
Rrjeti shtetëror RT – i ndaluar në shumë vende perëndimore – ngriti mundësinë që një mpiksje gjaku mund të ketë qenë shkaktar i vdekjes.
Deri më tani nuk ka pasur ekzaminim pas vdekjes.
Kritiku i Putinit, Navalny ishte mjaft i vetëdijshëm se shumë njerëz e donin të vdekur, duke qenë se ka pasur tentativa të mëhershme për vrasjen e tij.
Në dhjetor të vitit 2020, Navalny akuzoi agjentët e agjencisë ruse të sigurisë, FSB, për helmimin e tij. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pas muajsh pritjeje, NATO do të dërgojë aeroplanët e parë luftarakë F-16 në Ukrainë
Trump habit me thirrjen drejtuar mbështetësve të tij: “Dilni dhe votoni, pasi nuk do t’iu duhet ta bëni më”
Një raketë e pashpërthyer e Luftës së Dytë Botërore gjendet në një fshat në Poloni, nis evakuimi i banorëve
Trump po ‘harron’ që Harris është e martuar me një hebrenj - mundohet ta paraqes demokraten si antisemite
"Heroi rus i luftës në Ukrainë" rrahet për vdekje në stacionin policor në Rusi
Macron dhe presidenti argjentinas “shikim plot urrejtje” - liderët takohen në një kohë kur marrëdhëniet mes tyre janë në nivelin e ulët
Skenë joreale në Kroaci - gurët rrjedhin poshtë malit sikur një lumë
Biden po përgatit një plan reformash që nuk do t'i pëlqejnë Trumpit
Mediat serbe publikojnë detaje të reja rreth vrasjes së Faton Hajrizit në Serbi
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë