Çerek shumë i mirë për Apple

Apple prapë publikoi rezultate financiare për çerekun e kaluar që prapë thyen rekordin, tejkaluan edhe pritjet e analistëve të Wall Street-it.

Kompania gjatë çerekut të vet të dytë fiskal të vitit 2012 (nga janari deri në mars) pati krejtësisht të hyra në lartësi prej 39.2 miliard dollarë dhe neto profit njashtu mbresëlënës prej 11.6 miliard dollarë.

Gjatë periudhës së përmendur janë shitur 35.1 milion iPhone (rritje prej 88 për qind në krahasim me periudhën e njëjtë një vit më herët), 4 milion Mac (rritje prej 7%) dhe 7.7 milion iPod të cilët vazhdojnë të shënojnë rënie të shitjeve, kësaj here 15% në krahasim me periudhën e njëjtë të vitit të kaluar. Çerekun e kaluar Apple shiti edhe 11.8 milion iPad (rritje prej 151 për qind), e gjysma e të hyrave vjen nga shitja e iPhoneit cilës gjë i ka kontribuar edhe fillimi i shitjes në tregun kinez.

Rezultatet shumë të mira kanë shkaktuar rritjen e aksioneve të Apple në Nasdaq për 7 për qind në vlerën prej 601 dollarë për aksion. /Telegrafi/