Cavani tregon detaje rreth të ardhmes së tij

Edinson Cavani është në listën e lojtarëve që mund të largohen në verë nga Paris Saint-Germani, për t’ua liruar vendin transferimeve të reja.

Sulmuesi uruguaian ka qenë vendimtar për parisienët që nga transferimi i tij nga Napoli para disa sezonesh, por koha e tij në Parkun e Princave duket se ka përfunduar.

PSG është e gatshme ta shesë Cavanin në afatin kalimtar të kësaj vere, por ky i fundit dëshiron që t’i përfundojë vitet e mbetura në Francë.

“Është e bukur duke qenë kampion i Ligue 1, këto janë gjëra që mbani në kujtesë”, ka thënë sulmuesi uruguaian në një intervistë për Canal +.

“Tifozët na japin dashuri. Është e bukura ajo ndjenjë, i falënderoj ata. E ardhmja? Gjëja e parë është respektimi i kontratës sime. Më pëlqen ky klub, ky qytet, unë dhe familja ime jemi të lumtur këtu”.

Lexo po ashtu Të gjitha lajmet nga AC Milan

“E ardhmja nuk varet vetëm prej meje, por dëshiroj të qëndroj dhe të përfundoj kontratën time. Një kthim në Napoli? Jo, nuk them asgjë. Natyrisht unë do të jem këtu vitin e ardhshëm”, ka shtuar më tej Cavani. /Telegrafi/