Reperi i njohur nga Kosova, Capital T prej vitesh ka ndërtuar një karrierë të suksesshme muzikore.
Trim Ademi (emri i vërtete) mbetet ndër emrat më të dashur dhe komentuar të estradës shqiptare.
Së fundmi, reperi i ftuar në emisioni “Zë me Mirën” ka folur rreth karrierës dhe jetës personale.
Foto: Capital T/Instagram
Ndër tjera, reperi ka folur edhe për tradhtinë duke pranuar se ai nuk e ka bërë këtë ndonjëherë por që ka qenë një person që është tradhtuar.
“Nuk jam tip që tradhtoj. Kam tradhtuar, por jo në sensin e marrëdhënieve seksuale. Kam tradhtuar në sensin e një filtrimi, dhe bisede, por prapë e quaj tradhti. Por jam tradhtuar. Absolutisht që po. Por ka qenë ndoshta nderi më i madh që më ka bërë”, është shprehur reperi
“Fatkeqësisht ka qenë katastrofik më i keq se unë, edhe pse nuk mund t’i gjykoj njerëzit e të flas për veten, por vërtet ai ka qenë shumë i keq. Por ajo më ka bërë më mirë, dhe më ka bërë të kuptoj shumë gjëra”, ka thënë Capital T lidhur me personin për të cilin është tradhtuar.
Ai tutje ka thënë se tradhtia që iu bë e bëri të kuptonte shumë gjëra që në moshë të re.
“Kam qenë shumë i ri. Por kam hyrë në analiza për shembull. që si kisha menduar në atë moshë, që pamja nuk është gjithçka, që mund të jetë diçka tjetër. Mund të jetë person më i mirë, mund të jetë më i komunikueshëm, mund të dijë të flasë më mirë, mund të dijë t’i shpjegojë, ose të trajtojë gjërat më mirë”, tha reperi.
Foto: Capital T/Instagram
Tutje në intervistë, krijuesi i hitit “Akull” ka zbuluar gjithashtu se vitin e ardhshëm pritet të mbaj koncertin e tij “Time Capsule” në Prishtinë, i ngjashëm më atë që reperi kishte realizuar në Tiranë në vitin 2019.
“Në vitin 2023 do ta bëj koncertin e madh Time Capsule në Prishtinë, është koncert i përmasave të mëdha, do të jetë përafërsisht si ai në Tiranë vetëm do të ketë detaje shtesë sepse është në vendlindjen time dhe aty ku unë e kam ndërtuar gjithë karrierën”, tha Capital T. /Telegrafi/
