Burri me prejardhje nga Shqipëria “nënshtroi” një pasagjer që deshi të hapte derën e aeroplanit që po shkonte nga Tel Aviv në Londër – piloti bëri ulje emergjente në Beograd

Pamjet më poshtë thuhet se tregojnë momentin kur një burrë u përpoq të hapte derën e urgjencës dhe goditi një nga pjesëtarët e stafit gjatë një fluturimi për në Londër, përballet me një nga pasagjerët.

Sipas mediave britanike, përcjell Telegrafi, incidenti ndodhi në një fluturim nga Tel Avivi për në aeroportin Luton të hënën, i cili u detyrua të bënte një ulje emergjente në Beograd, Serbi.

Siç thuhet më tej, Victor Troboloni, 45 vjeç, u përball me “ngatërrestarin” pasi ai u përpoq të hapte me forcë dyert e urgjencës dhe shkoi të godiste një stjuarder mashkull, raporton The Sun.

Dhe Troboloni ishte në gjendje ta “nënshtronte” burrin, në një përleshje që u kap në video nga një pasagjer tjetër.

https://www.youtube.com/watch?v=07owVElWi58

Ndërkohë dikush dëgjohet duke bërtitur ‘mbylle’ gjatë përleshjes, ndërsa dëgjohen edhe britma nga sulmuesi.

Pasi u siguruan, një grup pasagjerësh më pas duket se e zhvendosin burrin në anë të korridorit për pjesën tjetër të fluturimit, i cili bëri një ulje emergjente në Beograd.

Troboloni tregon se ai e pa burrin që vepronte në mënyrë të pazakontë gjatë gjithë fluturimit, duke ecur lart e poshtë nëpër rrugë drejt kabinës së pilotit dhe mbrapa.

Victor, me origjinë nga Shqipëria, por me banim në Cyrih, ishte nisur për të vizituar nënën e tij të sëmurë në St Albans. /Telegrafi/