Bukuroshja shqiptare që bëri bujë në ‘Euro 2016’, flet për të dashurin futbollist

Fotografitë e Irid Oxa në Velodrome bënë xhiron, ndërsa bukuroshja ka thënë se ajo dhe Rike Roci nuk e kanë pritur këtë famë dhe se asgjë nuk ishte e planifikuar.

Ajo është një shqiptare e rritur në Itali, e cila nuk ka asnjë lidhje farefisnore me Ana Oxa, të paktën ashtu si edhe vetë ajo ka konfirmuar për gazetën “Sport Ekspres”. Një mbrëmje jo si të tjerat për Iridën që bashkë me Riken pushtuan rrjetet sociale duke vënë në pah bukurinë e tyre në tribunat e ndeshjeve të Evropianit.

“Nuk e prisnim që fotot tona të bënin xhiron e Evropës. Personalisht, më është dashur ta karikoj telefonin tmerrësisht dhe në disa momente shkoi në ‘tilt’. Mesazhe, ndjekës në Instagram, ‘like’ në Facebook, por sidomos mijëra komente. Ishte e pamundur t’i lexoje të gjitha. Edhe pse, s’më pëlqeu diçka… Komentet dhe mesazhet fyese. Jemi njerëz më familjarë, kemi jetën tonë, kemi karrierën tonë. Si mundet të fyesh dikë? Nuk e prisja këtë nga shqiptarët, nga atdhetarët e mi. Kam bërë me parë edhe set fotografik në revista të njohura në Itali dhe shumë italianë më kanë mbështetur dhe nuk më kanë thënë asnjë fjalë, ndërsa pas fotove të stadiumit, është bërë nami”, citohet të ketë thënë ajo.

Bukuroshja ka treguar se me Riken janë shoqe të ngushta dhe se merret me modelizëm, ndërsa ka studiuar për violinë.

“Punoj në një agjenci mode dhe bëj reklamime shpesh në revista të njohura në Itali. Kam studiuar 14 vjet për violinë dhe gjithashtu jam fizioterapiste, ku bëj kurse private

Sa i përket jetës private, ajo është shprehur: “Le të themi, kam një të dashur, por edhe ai futbollist. Luan në Serinë A, por jo me kombëtaren e Italisë”.