Bugatti ka zbuluar planet për një kompleks rezidencash luksoze në Dubai – dhe forma e pazakontë e ndërtesës ka tërhequr vëmendjen e njerëzve

Prodhuesi i supermakinave Bugatti ka zbuluar planet për një kompleks të ri rezidence luksoze në Dubai.

Dhe forma e pazakontë e ndërtesës ka tërhequr vëmendjen e njerëzve, shkruajnë mediat e huaja, përcjell Telegrafi.

Rezidenca e re Bugatti do të jetë shtëpia e 200 pallateve dhe apartamenteve nën çati së bashku me pajisje luksoze si një plazh i stilit të Rivierës Franceze, një banjë xhakuzi dhe një klub privat.

Por njerëzit kanë hyrë tashmë në Twitter për të sugjeruar se rrokaqielli me formë unike u kujton atyre një lodër popullore për fëmijë – “slinky”.

Prodhuesi i makinave luksoze shkroi në Twitter: “Riimagjinimi i ‘Artit të të jetuarit’ në zemër të Dubait: Rezidencat e para BUGATTI të vendosura në zonën kryesore të Business Bay janë rezultat i bashkëpunimit midis BUGATTI dhe zhvilluesit të pasurive të paluajtshme me bazë në Dubai, Binghatti”.

Siç bëhet e ditur më tej, dy ashensorët e makinave do t’i lejojnë banorët të transportojnë makinën e tyre deri në banesën e tyre, dhe ata që jetojnë në ndërtesë do të kenë gjithashtu qasje në shërbimet e porositura si shofer dhe portier.

Kjo ndërtesë me formë të pazakontë do të përbëhet nga 171 pallate Riviera dhe 11 Penthouses Sky Mansion.

Çdo shtëpi do të jetë e dizajnuar në mënyrë unike me planimetri të personalizuara – kështu që asnjë nga ato nuk do të duket njësoj me ndonjë tjetër. /Telegrafi/