Brenda shtëpisë luksoze të cilën Kylie Jenner e paguan 450 mijë dollarë në muaj

Kylie Jenner ka marrë me qira një shtëpi luksoze në Malibu, e cila ka qenë në pronësi të yllit të “Real Housewives Of Beverly Hills”, Yolanda Hadid.

Duke qenë një miliardere, bukuroshja e ka luksin për të paguar 450.000 dollarë në muaj (402.960 euro) për ta huazuar shtëpinë nga kompania ‘Elite Luxury Homes’.

Prona ndodhet në afërsi të ‘Carbon Beach’ që e ka marrë nofkën “Plazhi i miliarderëve”, duke qenë se pasanikët, si David Geffen e Larry Ellison, kanë pasur prona të shumta në atë zonë.

Lexo po ashtu Të gjitha lajmet nga Kylie Jenner

Ndërkaq, Variety bën të ditur se multimiliarderi Robert F. Smith dhe gruaja e tij, Hope Dworaczyk, janë pronarë aktuale të shtëpisë ku po qëndron Kylie.

Në shtëpinë luksoze, 21-vjeçarja qëndron me të dashurin e saj, reperin Travis Scott, babanë e vajzës së tyre njëvjeçare, Stormi.

Yolanda Hadid, është nëna e modeleve të famshme, Gigi dhe Bella Hadid, ndërsa kjo e fundit është shoqe e ngushtë me motrën e Kyliet, Kendall Jenner.

Vlera e përgjithshme e shtëpisë me nëntë dhoma gjumi është 19 milionë dollarë (17 milionë euro), të cilën Yolanda e kishte shitur në vitin 2014. /Telegrafi/