Brad Pitt i jep ultimatum ish-gruas Angelina Jolie: Nënshkruaje shkurorëzimin ose e pëson keq

Aktori Brad Pitt ka vendosur që çështjet me ish-gruan e tij, Angelina Jolie t’i zgjidhë në mënyrë më të ashpër. Sipas The Mirror, ai ka lëshuar një ultimatum për ish – gruan, tre vite pas paraqitjes për divorc.

Aktori 55 vjeçar i Hollivudit ka marrë një qëndrim të prerë me Angelinën, pasi ka frikë se divorci mund të vazhdojë të zvarritet.

Është raportuar se skuadra ligjore e Bradit do të fillojë të ushtrojë presion ndaj Angelinas pasi ata besojnë se po zvarritet në nënshkrimin e letrave të shkurorëzimit.

Një burim i The Sun ka thënë se, “Pavarësisht se Brad Pitt është treguar tejet i durueshëm gjatë këtij procesi, tashmë ai e ka humbur durimin”.

Burimi zbuloi se Bradi është i lodhur nga ish – gruaja meqë është parë duke lëvizur dhe duke u zhdukur muaj pas muaji për t’i ikur divorcit të tyre.

Aktori amerikan mendon se ajo është duke e bërë një lojë.

Më parë u raportua se Angelina ka vonuar procesin me shpresën se Brad mund të bëjë një kthesë në procedura.

Brad duket se ka ardhur në fund të durimit të tij pasi ka shpenzuar vitet e kaluara, dy vjet e gjysmë që kanë të bëjnë me mbarimin e martesës së tij dhe dëshiron të ‘mos ketë divorc mbi kokën e tij’. /Telegrafi/