Bora arrin deri 1 metër në Brezovicë, rekomandohet që të shmangen qendrat e skijimit

Reshje të shumta bore vazhdon të ketë në Brezovicë, ku edhe janë bërë disa rekomandime që të shmangen qendrat e skijimit.

Sipas faqes Brezovica.info bora ka arritur deri 1 metër, duke bllokuar kështu parkingun, ndërsa vetëm një korsi e rrugës mbetet e hapur, transmeton Telegrafi.

“Pas reshjeve të mëdha të borës në Qendrën e Skijimit në Brezovicë është shumë keq, ka 1 metër borë, vetëm një korsi e rrugës është pastruar, parkingu është i bllokuar. Rekomandim që komuniteti i skijimit të mos vjen sot në Brezovicë”, bëhet e ditur në njoftim.

Në pamjet që janë publikuar shihet se disa vetura kanë mbetur të bllokuara.

Më herët edhe Ekipi i Shoqatës së Kosovës për Kërkim-Shpëtim ka njoftuar se intervenuar në Qendrën e Skijimit në Brezovicë.

Lexo po ashtu Një person pëson arrest kardiak në Brezovicë, intervenon Shoqata e Kosovës së Kërkim-Shpëtimit

Siç thuhet në njoftim, një person ka pësuar arrest kardiak, dhe se ata kanë ndihmuar të bëhet transporti deri të autoambulanca.

“Pas reshjeve të pa ndërprera të bores në Qendrën e Skijimit në Brezovicë është shkaktuar një ortek afër Qendrës së skijimit i cili ka bllokuar automjetet”./Telegrafi/