Bonucci: Napoli rivali kryesor i Juventusit

Mbrojtësi i Juventusit, Leonardo Bonucci, beson se Napoli edhe këtë sezon është skuadra e vetme që mund të ra rivalizojë Zonjën e Vjetër për titull.

Italiani u shpreh i lumtur edhe me fitoren 1-0 ndaj Interit, duke e cilësuar si mjaft të vështirë.

“Ne ishim të vetëdijshëm që Interi ka individë fantastikë, të cilët si grup mund të na shkaktonin probleme”, ka thënë Bonucci për DAZN.

🎤 @bonucci_leo19: "This win shows the hunger we have."

➡️ https://t.co/ciGv44V7Zh #JuveInter #ForzaJuve pic.twitter.com/r23py1s0x3

— JuventusFC 🇬🇧🇺🇸 (@juventusfcen) December 8, 2018

“Ishte një ndeshje që ne u dashtë të rrezikonim për të shënuar, por ishim edhe me fat në disa raste”.

“Treguam edhe një herë që jemi shumë të uritur për suksese, pavarësisht fitoreve të fundit.

Lexo po ashtu Formacioni më i mirë në 12-të javët e para në Serie A, dominon Juve

“Ishim shumë më të mirë në pjesën e dytë, ne i dhamë Interit një goditje të rëndësishme në garën për Scudetto, por Napoli padyshim janë skuadra që mund të na shkaktojnë më së shumti probleme”, ka thënë për fund Bonucci.

Juve aktualisht ka tetë pikë më shumë se Napoli, ndërsa në xhiron e ardhshme kampionët aktual do të luajnë kundër Torinos. /Telegrafi/