Blunt vazhdon me fyerjet ndaj Gjikos dhe Ledrit, mohon se i shkuan në banesë: Do t’ua shkatërroj karrierën

Një nga emrat më të vjetër të hip hopit shqiptar, Blunt, ka vazhduar me fyerjet në drejtim të reperëve tjerë, Gjiko dhe Ledri Vula.

Ishte së pari Real 1 ai që u shfaq në një seri të videove, ku i ka bërë thirrje Gjikos që të mos e telefonojë sepse nuk dëshiron t’ia dëgjojë zërin.

Më tej vazhdon Blunt me një seri të fyerjeve. Ai nuk heziton që të thotë se Gjiko ra në grackën e tij dhe pretendoi kinse ka qenë në banesën e tij.

Lexo po ashtu DJ Blunt fyen rëndë Ledrin dhe Gjikon

Madje, Blunt thotë se Gjiko nuk ishte në banesën e tij dhe e fton ta bëjë këtë, ndërkaq fyen edhe portalet që kanë raportuar për këtë konflikt të ri në hip hopin shqiptar.

Blunt vazhdon me fyerjet e tij në drejtim të Ledrit e Gjikos duke thënë se ai ka përkrahjen e gjithë Prishtinës, teksa konteston faktin se Gjiko adhurohet në qytetin prej nga vjen, edhe në Pejë.

Lexo po ashtu Pas fyerjeve, Gjiko dhe menaxheri i Ledrit shkojnë në banesën e DJ Blunt (Video)

Reperi i cili publikoi projektin “Qika Jem” më tej ka paralajmëruar se do t’ia shkatërrojë karrierën Gjikos dhe Ledrit në muajt në vijim, duke paralajmëruar projekte të reja çdo muaj.

“Qika Jem” arriti afro 200 mijë klikime për pak ditë, e ishte shkas për nxitjen e konfliktit të ri në hip hopin shqiptar. /Telegrafi/