Bisedimet indirekte në Egjipt midis Izraelit dhe Hamasit kanë qenë "pozitive" deri më tani, kanë thënë të martën për AFP dy burime pranë ekipit negociator të militantëve palestinezë, me diskutimet që do të rifillojnë rreth mesditës.
"Bisedimet ishin pozitive mbrëmë, me raundin e parë që zgjati katër orë", citohet të ketë thënë njëri nga burimet.
"Negociatat indirekte janë planifikuar të rifillojnë në mesditë", ka shtuar ai.
Një burim tjetër palestinez konfirmoi se bisedimet do të rifillojnë në qytetin turistik egjiptian Sharm El-Sheikh të martën.
Media e lidhur me shtetin egjiptian, Al-Qahera News, gjithashtu raportoi herët të martën se raundi i parë i bisedimeve përfundoi në Egjipt "mes një atmosfere pozitive".
Ajo konfirmoi se bisedimet do të vazhdojnë të martën.
Izraeli dhe Hamasi pritet të angazhohen në bisedime indirekte mbi detajet e një propozimi nga presidenti i SHBA-së, Donald Trump për një shkëmbim pengjesh dhe të burgosurish dhe një armëpushim afatgjatë. /Telegrafi/
