“Birra Peja” njofton tërheqjen nga Festa e Birrës në Korçë – shkak prezenca e Bregovicit

Vazhdon të jetë shumë e komentuar ngjarje vjetore e ashtuquajtur Festa e Birrës në Korçë.

Ky festival i birrës i cili parashikohet të organizohet në datat 18-22 gusht, ka marrë vrull kritikash në rrjetet sociale, për faktin se ata kanë ftuar për të performuar në një prej netëve artistin boshnjak me identitet serb, Goran Bregovic.

Pasi reagimeve nga shumë artistë (disa prej të cilëve edhe janë tërhequr nga pjesëmarrja e paracaktuar në këtë festival) – reagimet duket se po vazhdojnë edhe nga bizneset, të cilat mbështesin apo janë partnerë të këtij organizimi.

“Birra Peja” e cila ishte parashikuar të ishte pjesë e Festës së Birrës në Korçë me ofrimin dhe promovimin e produkteve të tyre, kanë bërë të ditur se kanë tërhequr pjesëmarrjen e tyre nga kjo ngjarje.

Lexo po ashtu Noizy harton planin e bojkotimit për Bregoviqin: Duhet të bëjmë një tjetër koncert paralel atë natë, t'ia dështojmë organizimin Festës së Birrës

Përmes një letre publike të hedhur në rrjetet sociale, “Birra Peja” njoftojnë se arsyeja e largimit të tyre nga ky festival është pjesëmarrja e artistit boshnjak si i ftuar special.

“Në momentin që kemi kuptuar se Festivali i Birrës në Korçë ka ftuar këngëtarin Goran Bregovic të performojë, Birra Peja është tërhequr nga pjesëmarrja dhe mbështetje e këtij festivali. Ne besojmë që Festivali i Birrës duhet të sjellë kënaqësi duke krijuar një atmosferë miqësore mes të gjithëve, andaj edhe jemi të hapur për të mbështetur iniciativat tjera argëtuese për të zëvendësuar këtë festival, e juaja, Birra Peja”, kanë shkruar kompania gjigante e prodhimit të birrave në njoftimin e tyre.

Lexo po ashtu Ia raportuan reagimet për Bregoviqin, Facebook merr masa ndaj Vesa Lumës

“Birra Peja” përndryshe njihet si një prej kompanive që ndër vite ka mbështetur dhe ka qenë pjesë e shumë festivaleve dhe panaireve rajonale. /Telegrafi/