Bie mbështetja ndaj “jelekverdhëve”, populli do ndaljen e protestave?

Më shumë se gjysma e popullit francez dëshiron që “jelekverdhët” t’i japin fund protestave të tyre, ndonjëherë edhe të dhunshme, anti-qeveritare, pasi shumë demonstrues besimtarë që vazhdojnë të marshojnë nëpër qytete çdo fundjavë, nuk i pasqyrojnë më kërkesat e hershme të grupit.

Një sondazh i kompanisë së respektuar, Elabe, botuar të mërkurën vonë, tregoi se 56 për qind mendojnë se lëvizja duhet të heqë dorë nga protestat javore, shifër kjo e rritur me 11 pikë nga një muaj më parë dhe hera e parë që është shumicë.

Protestat shpërthyen në nëntor në lidhje me një plan për rritjen e çmimit të naftës dhe kostot e larta të jetesës, dhe protestuesit janë quajtur “jelekverdhë”, pasi mbanin xhaketa që shoferët francezë duhet të mbajnë në makinën e tyre.

Trazirat u shndërruan shpejt në një revoltë më të gjerë kundër Presidentit Emmanuel Macron dhe pabarazisë sociale. Ndërsa shumica e njerëzve mbështesin lëvizjen, dy në çdo tre besojnë se ata që ende protestojnë çdo fundjavë në Paris dhe në qytete të tjera, nuk janë përfaqësues të ambicieve të saj të hershme.

“Jelekët e verdhë” kanë paraqitur sfidën më të madhe ndaj autoritetit të Macron, i cili ka bërë koncesione të shtrenjta tatimore dhe muajin e kaluar filloi një debat dy-mujor kombëtar, duke premtuar ndryshime në politikën që adresojnë ankesat e votuesve.

Të enjten, presidenti 41-vjeçar u takua me kryetarët e zonave rurale në fshatin e largët të Gargilesse-Dampierre në qendër të Francës. Njëra pas tjetrës, kryetarët e komunave paraqitën grumbullimet e tyre: mungesa e mjekëve, mungesa e parave për teknologji, rënia e transportit publik dhe mungesa e pushtetit për zyrtarët lokalë.

Në debatet e fundit, Macron ka qëndruar për më shumë se gjashtë orë duke iu përgjigjur pyetjeve. Sondazhet tregojnë një rimëkëmbje në popullaritetin e prishur të presidentit që kur lansoi debatet dhe ndihmësit e tij flasin për një energji të re brenda pallatit Elysee. /tch/