Biden në 1 vjetorin e sulmit në Kongresin amerikan: Ne jemi në një betejë për shpirtin e Amerikës

Presidenti amerikan, Joe Biden dhe zëvendëpresidentja, Kamala Harris kanë vizituar Kongresin amerikan për të shënuar një vjetorin e “pushtimit” të saj nga mbështetësit e ish-presidentit amerikan, Donald Trump.

Biden filloi fjalimin duke thënë se “demokracia u sulmua, thjesht u sulmua” atë ditë. Ai lavdëroi zbatuesit e ligjit për shpëtimin e “shtetit ligjor”.

“Demokracia jonë u sulmua. Ne, njerëzit, duruam. Ne, njerëzit, fituam”, nënvizoi ai, raporton cnn.

Presidenti më tutje ka fajësuar paraardhësin e tij duke pohuar se ai u përpoq të parandalonte transferimin paqësor të pushtetit pasi kishte pësuar humbje në zgjedhjet presidenciale të vitit 2020.

“Për herë të parë në historinë tonë, një president jo vetëm që kishte humbur zgjedhjet, ai u përpoq të parandalonte transferimin paqësor të pushtetit pasi një turmë e dhunshme shkeli Kapitolin. Por ata dështuan. Ata dështuan. Dhe në këtë ditë kujtimi, ne duhet të sigurohet që një sulm i tillë të mos ndodhë më kurrë”, pohoi demokrati.

“Ajo që nuk pamë ishte një ish-president, i cili sapo mblodhi turmën për të sulmuar, u ulë në një dhomë ngrënieje private të Zyrës Ovale në Shtëpinë e Bardhë, duke e parë atë në televizion”, tha Biden duke shtuar se “Kjo ishte një kryengritje e armatosur… ata nuk po kërkonin të mbanin zgjedhje të lira dhe të ndershme. Ata po kërkonin ta përmbysnin atë”, transmeton Telegrafi.

Presidenti Biden thotë se vendi duhet të ta dijë se cila është e vërtetë dhe cila jo, raporton bbc.

“Këtu është e vërteta: ish-presidenti ka thurur një rrjet gënjeshtrash për zgjedhjet e 2020”, thotë ai.

Presidenti aktual thotë se Trumpin e vendosi “pushtetin mbi parimin” dhe “egon e tij” mbi Kushtetutën e SHBA-së.

Ai gjithashtu sulmon Partinë Republikane, duke thënë se “ata duket se nuk duan më të jenë partia e Linkolnit, Eisenhower, Reagan dhe Bushes”.

Zgjedhjet e vitit 2020 ishin “demonstrimi më i madh i demokracisë” në historinë amerikane, pohoi 79-vjeçari. Ai tha se 150 milionë amerikanë dolën në kutitë e votimit dhe votuan, pavarësisht kërcënimit të pandemisë COVID-19.

Në fjalët e tij, Biden vuri në dukje gjithashtu përpjekjet e ish-presidentit Trump për të përhapur “gënjeshtrën e madhe” në lidhje me rezultatin e zgjedhjeve – të cilat Biden tha se ishin “të gabuara” dhe “jo-amerikane”.

Biden vazhdon me kritikat ndaj paraardhësit, duke e quajtur Donald Trump udhëheqësin e parë amerikan që refuzon të pranojë rezultatet e zgjedhjeve amerikane dhe pranon vullnetin e popullit amerikan.

Donald Trump “nuk është thjesht një ish-president”, thotë Biden “Ai është një ish-president i mundur, i mundur me një diferencë prej mbi shtatë milionë votash tuaja në zgjedhje të lira dhe të ndershme”.

“Ka thjesht zero prova se rezultatet e zgjedhjeve janë të pasakta”, vazhdon presidenti gjersa pyeti se si u zgjodhën ose u rizgjodhën anëtarët republikanë të Kongresit kur të njëjtën fletë votimi e konteston Trumpi., transmeton Telegrafi.

Rebelët e 6 janarit erdhën në Kapitolin e SHBA “të zemëruar” dhe “mbajtën një kamë në fyt të Amerikës dhe demokracisë amerikane”.

“Ata nuk erdhën këtu nga patriotizmi apo parimi”, thotë Biden. “Jo në shërbim të Amerikës. Përkundrazi, në shërbim të një njeriu”, duke iu referuar Trumpit.

Biden vlerësoi gjithashtu ligjvënësit amerikanë për përfundimin e punës së tyre për konfirmimin e rezultateve të zgjedhjeve të 2020.

Trump përfaqëson një Amerikë të drejtuar nga një “burrë i fortë autokratik”, thotë ai duke shtuar se “Nuk janë ata që janë. Kjo nuk është ajo që kemi qenë ndonjëherë. Kjo nuk është ajo që ne duhet të jemi, kurrë”.

Biden përsëriti se Trump dhe turma që sulmoi Kapitolin përfaqësonin pikëpamje që nuk janë thelbi i vlerave amerikane.

Ai vëren se pjesë e eksperimentit demokratik amerikan është një “përgjegjësi për të pranuar humbjen”.

Ndryshe, pesë persona kanë vdekur ndërsa janë lënduar së paku njëzet persona. Gjithashtu 65 oficerë të Departamentit të Policisë janë plagosur gjersa 15 prej tyre janë shtruar në spital. /Telegrafi/