Besfort Daka, banori i katërt që hyn në Big Brother VIP Kosova

Shtëpia e Big Brother VIP Kosova 3 mirëpret banorin e katërt, aktorin e njohur Besfort Daka.

Besforti ka shprehur se është i gatshëm të japë gjithçka për të treguar veten në këtë format, duke e konsideruar këtë si momentin e duhur për të shfaqur anët e tij të ndryshme si artist dhe individ.

Në deklaratat e tij, ai theksoi rëndësinë e këtij eksperimenti social dhe se si Big Brother ofron mundësinë për të njohur më thellë personalitetin e tij.

Ai ka shprehur dëshirën për të ndarë eksperiencat dhe emocionet e tij me publikun, duke besuar se do të sjellë një perspektivë interesante në shtëpi.

Një fakt interesant është se Besforti është i martuar dhe hyn në shtëpi duke lënë bashkëshorten jashtë.

Ai ka theksuar se përkushtimi i tij ndaj familjes është i fortë, por gjithashtu është i emocionuar për këtë aventurë të re.

Me hyrjen e Besfort Daka, fansat e Big Brother VIP Kosova janë të etur të shohin si do të evoluojë personaliteti i tij dhe si do të ndikojë ai në marrëdhëniet me banorët e tjerë, përfshirë Rovena, Kevin dhe Dianën. /Telegrafi/