Reprezentuesi i Kosovës i ka dhënë fund beqarisë duke kurorëzuar lidhjen disavjeçare me martesë.
Bëhet fjalë për Benjamin Kolollin, i cili ka lindur në shtetin zviceran dhe në këtë vend helvetik po bën karrierë futbollistike.
Megjithatë futbollisti shqiptar tash e sa vite është i dashuruar në bukuroshen pejane, Labentina Imerajn.
Në këtë dasmë nuk kanë munguar as disa prej miqve futbollistë të 27-vjeçarit, ku ishin prezent Hekuran Kryeziu, Mirlind Kyreziu e Florent Hadërgjonaj, por nuk kanë munguar as personalitete të estradës si DJ Dagz, i cili ka publikuar disa fotografi të dasmës në llogarinë personale në Instagram.
Dasma ishte organizuar sikurse në përralla me lule të llojllojshme, si orkide, krizantema rozë, trëndafila shampanjë e të bardhë, i japin vendit frymën e një kopshti hyjnor.
Ndryshe, Kolollin edhe në sezonin e ri do ta shohim në fanellën e klubit zviceran të Zurichut, i cili bën gara në Superligë. /Telegrafi/
