Bekteshi: Ulen çmimet e ushqimit dhe derivateve, në radhë transporti

Gjatë dy ditëve të kaluara, Ministri i Ekonomisë, Kreshnik Bekteshi njofton se vendi ynë është lider në rajon sa i përket çmimeve të produkteve ushqimore, por edhe derivateve të naftës.

Sot ai përmes një pres konference konfirmoi këto pohime dhe tha se si vend duhet të jemi krenar.

“Për vetëm një muaj, harxhimet jetësore për ushqim dhe pije janë ulur për 5.2%. RMV ka çmimet më të lira në rajon për ushqimet dhe derivatet e naftës. Edhe pse çmimet e derivateve janë të bursës, Qeveria kishte hapësirë që me përqindje të konstatojë dhe të ndikojë ndaj çmimeve siç janë dogana, TVSH-ja dhe të dhënat tjera” njofton Bekteshi.

Bekteshi pajtohet se gjatë periudhës së kaluar në mënyrë të ndjeshme janë ulur çmimet e derivateve të naftës, që do të thotë se ka ardhur koha dh shërbimet e taksive dhe transporti urban i autobusëve t`i ulin çmimet e tarifave të tyre.

Sipas tij, për krijimin e politikës së çmimeve në këtë veprimtari, kompetente është Ministria për Transport dhe Lidhje.