Befason ish-legjenda e The Reds: Man Utd do të përfundojë mbi Liverpoolin dhe Arsenalin

Kanë mbetur edhe dy javë deri në fillim të sezonit të ri në Ligën Premier, teksa ish-futbollistë të ndryshëm po japin mendimet e tyre rreth fundit të kampionatit.

Ish-futbollisti gjerman dhe legjenda e Liverpoolit, Dietmar Hamann ka dhënë një deklaratë interesante, duke vlerësuar lartë Manchester Unitedin.

Duke folur për TopOffshoreSportsBooks, Dietmar Hamann tha se City do të jenë sërish në krye.

Lexo po ashtu Federata Angleze këshillohet të emërojë Jurgen Kloppin si trajner të ri

“Është e vështirë të mos e shohësh Manchester Cityn ku ata janë gjithmonë në krye”.

“Unë nuk jam i sigurt për Arsenalin sepse ata i kanë humbur shanset e tyre. Unë do të shkoja për Man City si kampion, pastaj Manchester United në vendin e dytë”.

“United mund të jenë në vend të dytë nëse i zyrtarizojnë përforcimet me të cilët janë lidhur. Atëherë mendoj se Arsenali do të jetë në vendin e tretë dhe Liverpooli në të katërtin”, tha Hamann duke befasuar të gjithë.

Parashikimi i Hamann është befasues duke pasur parasysh se Arsenali ishte jashtëzakonisht mbresëlënës sezonin e kaluar, duke treguar përmirësim të ndjeshëm nën drejtimin e Mikel Arteta .

Topçinjtë e humbën për pak titullin e Premier League , duke përfunduar vetëm dy pikë prapa Man City në ditën e fundit të sezonit 2023/24. /Telegrafi/