Bayerni po konsideron të marrë trajner njeriun që ia shkaktoi humbjen më të dhimbshme në histori të tyre

Edhe pse është bërë e ditur se Thomas Tuchel do të mbetet trajner i Bayern Munichut deri në fund të sezonit, klubi bavarez po shqyrton alternativa të përkohshme dhe një emër është absolutisht befasues.

Sipas gazetarit të respektuar të Sky Sport gjerman, Florian Plettenberg, Bayern po e konsideron Ole Gunnar Solskjær si një zgjidhje të mundshme të përkohshme.

Ish-trajnerit të Manchester United aktualisht i ka skaduar kontrata dhe gati për të filluar një projekt të ri, ndërsa drejtori sportiv i Bayernit, Cristoph Freund thuhet se e ka ndjekur prej vitesh teknikun norvegjez.

🚨🆕 News #Solskjær: FC Bayern is monitoring the 50 y/o – as a potential interim solution!

⚠️ But the original plan remains: FC Bayern would like to continue with Thomas Tuchel at least until the end of the season!

Bayern and Solskjær: Nothing concrete at this stage! The… pic.twitter.com/CTk3TAcXdx

— Florian Plettenberg (@Plettigoal) February 19, 2024

Megjithatë, pyetja e madhe është se si do të reagonin tifozët e Bayernit për ardhjen e mundshme të Solskjær, sepse ky është njeriu që u shkaktoi bavarezëve humbjen më të dhimbshme në histori.

Natyrisht, bëhet fjalë për finalen e famshme të Ligës së Kampionëve në vitin 1999, kur Bayern u përball me Manchester United deri në fund me rezultatin 1:0, dhe më pas Djajtë e Kuq e kthyen atë me golat e Teddy Sheringham në të 91-ën minutë dhe Ole Gunnar Solskjær në minutën e 93-të.

Solskjær ka qenë pa klub që kur u shkarkua në Old Trafford në vitin 2021, dhe aktualisht është i punësuar si vëzhgues teknik i UEFA-s, duke ndjekur ndeshjet e Ligës së Kampionëve dhe duke ofruar raporte. /Telegrafi/