Barcelona do të luajë në Ligën e Kampionëve sezonin e ardhshëm pavarësisht hetimeve

Barcelona ka marrë një nxitje të madhe, ose ndoshta më saktë ka lëshuar një psherëtimë të madhe lehtësimi, duke ditur se do të konkurrojnë në sezonin e ardhshëm në Ligën e Kampionëve.

UEFA aktualisht po heton “çështjen Negreira”, një seri pagesash mbi 17 vjet për ish-zëvendëspresidentin e Komitetit të Gjyqtarëve, Enriquez Negreira, por deri më tani nuk ka gjetur asgjë për të ndëshkuar Barcelonën – qëllimi për të ndikuar në rezultatin e ndeshjeve do t’i sanksiononte ato.

Megjithatë licencat për Ligën e Kampionëve jepen më 15 maj, dhe sipas gazetës Mundo Deportivo, Barcelonës do t’i jepet licenca, me atë datë pak më shumë se dy javë larg.

Lexo po ashtu UEFA mund të përjashtojë Barcelonën dhe Juventusin nga Liga e Kampionëve

Hetimi është ende në vazhdim si në Spanjë ashtu edhe brenda UEFA-s, por çështja duket se nuk ka gjasa të zgjidhet së shpejti.

Konfirmimi i vendit të tyre në Ligën e Kampionëve sezonin e ardhshëm u lejon atyre të planifikojnë me milionat e shumta që vijnë nga pjesëmarrja në këtë garë, pa të cilat mund të jenë detyruar të shesin lojtarë.

Presidenti Joan Laporta së fundmi u takua me presidentin e UEFA-s, Aleksander Ceferin, me sa duket për ta siguruar atë se ata nuk ishin përfshirë në ndonjë keq bërje. Nuk është ende e qartë nëse këto dy ngjarje kanë lidhje. /Telegrafi/