Barcelona shkatërron Espanyolin në derbin katalunas, Messi shkëlqen me dy gola nga gjuajtja e lirë

Barcelona ka fituar në udhëtim derbin katalunas ndaj Espanyolit me rezultat të thellë 4-0.

Skuadra e Ernesto Valverdes ka vazhduar serinë pozitive edhe ndaj rivalëve të urryer lokal duke fituar thellë dhe ngritur epërsinë ndaj ndjekësve.

Pjesa e parë e ndeshjes u karakterizua me dominim të Blaugranëve, të cilët përveç rasteve të shumta arritën të shënojnë edhe tri gola.

Goli i parë i ndeshjes erdhi në minutën e 17-të të ndeshjes me Lionel Messin, i cili shënoi për 1-0 një gol të bukur nga gjuajtja e lirë nga rreth 25 metra.

Për epërsinë 2-0 u përkujdes Ousmane Dembele (26′) pas asistimit të Messit, ndërsa Luis Suarez (45′) shënoi për thellimin e epërsinë në 3-0.

Edhe pjesa e dytë foli në të mirë të skuadrës nga Camp Nou, që vetëm se thelloi epërsinë në këtë ndeshje derbi.

Në këtë pjesë ishte përsëri ylli argjentinas Messi, i cili shkëlqeu duke shënuar golin e dytë nga gjuajtja e lirë pasi në minutën e 65-të shënoi për 0-4 dhe vulosi rezultatin përfundimtar.

Pas kësaj fitore, Barcelona ka 31 pikë në vendin e parë apo tri më shumë se Sevilla e Atletico Madridi, ndërsa Espanyoli ka 21 pikë në pozitën e nëntë.

Në ndeshjen e radhës, Blaugranët luajnë në udhëtim te Levante, ndërsa Espanyoli e pret në shtëpi Real Betisin. /Telegrafi/

Sensational free-kick!!!

This Messi guy is reportedly the 5th best football player on the planet. Player number 1 probably possesses telekinetic abilities and can glide through the air. https://t.co/5G7WKPEec0

— Le Samouraï (@Damian_O_M) December 8, 2018

https://twitter.com/PrimeLM10/status/1071498556710641664

Luis Suarez goal and 3rd for Barcelona
https://t.co/syTeJGnCQe

— Nyandarua's Finest (@Thamwerii) December 8, 2018

https://twitter.com/kxkskkf/status/1071512344847675392