Tifozët e Barcelonës kanë marrë një lajm të mrekullueshëm.
Kapiteni i tyre Lionel Messi është rikthyer dhe duket i gatshëm për lojë.
Trajneri i Barcelonës, Ernesto Valverde ka publikuar listën e lojtarëve të ftuar për ndeshjen e Ligës së Kampionëve ndaj Borussia Dortmund.
E në këtë listë është përfshirë edhe Lionel Messi që prej disa javësh ishte jashtë fushave për shkak të lëndimit.
Gjithashtu për këtë takim është grumbulluar edhe sensacioni Ansu Fati që deri më tani ka shënuar dy gola në La Liga.
Tifozët katalunas mund ta shohin dyshen Messi-Fati për herë të parë në aksion në ndeshjen ndaj Dortmundit.
Megjithatë Messi pritet që këtë takim ta nisë nga banka rezervë, pasi trajneri Valverde nuk dëshiron të rrezikojë shumë me të. /Telegrafi/
