Barcelona po e monitoron mbrojtësin meksikan Araujo, synon transferimin e tij në vitin e ardhshëm 

Julian Araujo ka mundur të transferohet këtë verë te gjiganti spanjoll Barcelona.

Kampioni i shumëfishtë i La Ligas e ka parë nga afër në disa ndeshje mbrojtësin e djathtë meksikan, por pa arritur të gjejë marrëveshje me LA Galaxy për transferimin e tij.

21-vjeçari ka bindur drejtuesit e Barcelonës për ta transferuar dhe ai do të ndiqet deri në vitin e ardhshëm nga skautët e klubit katalunas.

Eksperti i tregut të transferimeve, Fabrizio Romano ka raportuar se Barça do ta ndjek lojtarin në të ardhmen, pasi ka edhe klube të rëndësishme evropiane që janë vënë pas meksikanit.

“Barcelona dëshironte të nënshkruante me Julian Araujo pasi ai është një talent shumë i vlerësuar dhe mbresëlënës – një për të ardhmen”.

“Nuk ka pasur ndonjë marrëveshje me LA Galaxy, por Barça do të monitorojë Araujon në muajt e ardhshëm dhe ta transferoj pas një viti”.

Barcelona wanted to sign Julián Araujo as he's highly rated, impressive talent – one for the future. There was no agreement with LA Galaxy but Barça will monitor Araujo also in the next months. 🇺🇸 #FCB

There are also more important European clubs following Julián. pic.twitter.com/2KU4k2ATsc

— Fabrizio Romano (@FabrizioRomano) September 4, 2022

“Ka edhe klube tjera të rëndësishme që po e ndjekin Araujon”, ka shkruar Romano.

21-vjeçari ka një vlerë në tregun e transferimeve prej pesë milionë euro, derisa ai në tri vitet e fundit ka luajtur për ekipin e parë të La Galaxy.

Në 100 ndeshje zyrtare, Araujo ka shënuar një gol e ka bërë 12 asistime. /Telegrafi/