Barcelona mund të humb me rezultat zyrtar ndeshjen ndaj Osasunas, vetëm një copë letër mund ta shpëtojë

Barcelona mposhti Osasunën me rezultat 3-0 mbrëmë (e enjte) dhe ruajti vendin e parë në La Liga, por mund të mbetet pa fitore nëse ankesa e vizitorëve miratohet.

Osasuna po përgatitet të bëjë ankesë sepse ekziston dyshimi se Barcelona ka shkelur rregullin e FIFA-s për pushim të detyrueshëm për lojtarët pasi tërhiqen nga kombëtarja për shkak të lëndimit.

Puna është se Inigo Martinez ka luajtur mbrëmë për Barcelonën dhe sipas rregullave të FIFA-s, ai nuk është lejuar të luajë.

Lojtarët që largohen nga kombëtarja për shkak të dëmtimit nuk mund të luajnë për klubin derisa të kenë kaluar pesë ditë nga ndeshja e fundit në pushimin ndërkombëtar.

💥 Informa @isaacfouto

⚠️ @Osasuna estudia una posible alineación indebida de Iñigo Martínez

❌ El club navarro analiza si el @FCBarcelona ha incumplido una norma FIFA sobre el periodo que tiene que transcurrir tras una baja por lesión con la Selección

📻 #PartidazoCOPE pic.twitter.com/1kLGKtv4OS

— El Partidazo de COPE (@partidazocope) March 27, 2025

Spanja luajti kundër Holandës në Ligën e Kombeve të dielën, që do të thotë se kanë kaluar katër, jo pesë ditë deri në ndeshjen Barcelona-Osasuna të enjten.

Martinez nuk luajti për Spanjën në atë ndeshje për shkak të një dëmtimi që pësoi kundër Atletico Madridit.

“Inigo Martinez është tërhequr nga kombëtarja spanjolle për shkak të një dëmtimi në gju, i raportuar nga Barcelona. Në vend të tij, trajneri Luis de la Fuente ka thirrur Dean Huijsen nga Bournemouth”, njoftoi Federata Spanjolle e Futbollit para ndeshjeve të kombëtares, por nuk është e qartë nga deklarata nëse Barcelona ka kërkuar në emër të Martinezit që ai të lirohet nga detyra ndërkombëtare, apo nëse trajneri ka vendosur kështu.

Apeli i Osasunas do të dëgjohet nga komisioni i La Liga-s vetëm nëse Barcelona tregon prova se Martinez u dërgua në shtëpi nga trajneri spanjoll.

Nëse një lojtar ka paraqitur një kërkesë për t’u larguar nga kampi i kombëtares, Barcelona do të humbasë tre pikët e fituara në fushë. /Telegrafi/