Barcelona kryeson ndaj Real Madridit në garën për nënshkrimin e madh falas

Barcelona mund të jetë e vendosur të mposhtë rivalët e Real Madridit në garën për nënshkrimin e madh falas në afatin kalimtar të verës.

Reali nuk bëri shumë nënshkrime verën e kaluar, duke sjellë vetëm Eduardo Camavinga dhe David Alaba, me këtë të fundit që u transferua pas skadimit të marrëveshjes së tij me Bayern Munich.

Gjigantët spanjollë pritet të kenë një verë të madhe vitin e ardhshëm, megjithëse ata shpresojnë të përfundojnë një numër marrëveshjesh pa tarifë transferimi.

Kylian Mbappe është objektivi i tyre numër një, por Reali gjithashtu ka qenë i lidhur fort me marrjen e Paul Pogba dhe Antonio Rudiger në Bernabeu, ku të treve do t’u skadon kontrata në muajin korrik.

Lexo po ashtu Plani maestral i Real Madridit për të nënshkruar me tre lojtarë pa paguar asnjë cent

Reali gjithashtu ruan një interes për mesfushorin e Milanit, Franck Kessie, i cili gjithashtu ka qenë i lidhur me Manchester United në të kaluarën, por ata duket se do të humbasin ndaj rivalëve të tyre.

Sipas mediumit El Nacional, Kessie favorizon një lëvizje te Barça sepse beson se do të jetë më integral në ekipin e tyre dhe ka më shumë gjasa të luajë.

Me Toni Kroos, Luka Modric, Fede Valverde, Casemiro dhe Camavinga të gjithë te Reali, lojtari nga Bregu i Fildishtë mendon se do të jetë më e vështirë të depërtojë në ekipin e parë.

Nga ana tjetër, Barça ka një varg të rinjsh emocionues në mesfushën e saj, por mund të kërkojë të shtojë pak përvojë dhe forcë në qendër të mesfushës.

Ata shpresonin të nënshkruanin me Georginio Wijnaldum në një transferim të lirë verën e kaluar, por ish-lojtari i Liverpoolit u transferua në fund te Paris Saint-Germain.

Lexo po ashtu Barcelona mirëpret oferta për De Jongun

Kessie ka të ngjarë të refuzojë ofertën për më shumë para nëse ai vendos të zgjedhë Barçën në vend të Real Madridit, por koha e lojës do të ishte më e rëndësishme.

24-vjeçari mund të ketë edhe më shumë mundësi loje në Camp Nou, pasi holandezi Frenkie de Jong po lidhet shumë me një largim nga klubi. /Telegrafi/