Barcelona konfirmon dy lëndime: Rafinha pritet ta humb sezonin, Roberto mungon rreth një muaj  

Rafinha mund të humbasë pjesën tjetër të sezonit pasi Barcelona konfirmoi se mesfushori kishte dëmtuar ligamentet e gjurit, ndërsa lëndim ka pësuar edhe Sergi Roberto.

Rafinha u shfaq si zëvendësues i dytë gjatë barazimit 1-1 të Barcelonës në udhëtim te Atletico Madridi të shtunën mbrëma.

Por, klubi katalunas njoftoi pas më pak se 24 orëve se ai ka dëmtuar ligamentin ACL në gjurin e tij të majtë dhe mesfushori brazilian do të duhet të operohet në javën e ardhshme.

❗INJURY REPORT. @Rafinha has a torn left ACL and will undergo surgery in the coming days. pic.twitter.com/tk3Y7XIVPT

— FC Barcelona (@FCBarcelona) November 25, 2018

Braziliani ka përjetuar një lëndim të ngjashëm edhe gjatë sezonit 2015-16 ku u detyrua të qëndrojë jashtë në pjesën më të madhe të sezonit.

Në atë sezon, Rafinha lëndoi gjurin e tij të djathtë për dallim nga tani që e ka lënduar të majtin.

25-vjeçari u rikthye në Camp Nou vetë gjatë verës pasi kaloi gjysmën e dytë të sezonit të kaluar te italianët e Interit.

❗INJURY REPORT. @SergiRoberto10 will be out between 3 and 4 weeks with a left hamstring injury. pic.twitter.com/bSrm3ZzVUn

— FC Barcelona (@FCBarcelona) November 25, 2018

Përveç Rafinhas, gjatë ndeshjes me Atleticon u lëndua edhe mesfushori spanjoll, Sergi Roberto, i cili u detyrua ta lë fushën pas pjesës së parë.

Roberto ka lënduar kofshën e këmbës së majtë dhe pritet të jetë jashtë fushave tri deri në katër javë. /Telegrafi/