Barcelona ka gjetur një mënyrë gjeniale për ta zbritur çmimin e kartonit të Gyokeres

Barcelona po synon transferimin e një qendërsulmuesi para hapjes së afatit kalimtar veror duke tentuar që të sigurojnë shërbimet e një pasardhësi për Robert Lewandowskin.

Gjatë muajve të fundit, emri i Viktor Gyokeres është përmendur shumë, me sulmuesin suedez që ka shënuar 33 gola për klubin dhe kombëtaren këtë sezon.

Gyokeres është pjesë e listës së ngushtë të Barcelonës, dhe ata mund të kenë një avantazh nga pjesa tjetër e klubeve për ta transferuar atë.

Jo vetëm se zyrtarë e klubit janë të gatshëm ta lënë atë në huazim tek Sporting Lisbona për një sezon më shumë, por mediumi spanjoll Sport raporton se ata duan ta zbresin çmimin e kartonit të tij, duke përfshirë 50 për qind të kartonit të Francisco Trincao si pjesë e marrëveshjes.

Lexo po ashtu Barcelona ka një plan të qartë për Gyokeres, ta transferojë në janar dhe ta huazoj sërish në Sporting

Barcelona mund ta rikthejë Trincaon për 20 milionë euro, ose mund të presin që ai të shitet në mënyrë që të marrin gjysmën e asaj shume të parave.

Sidoqoftë, ideja është që kjo e drejtë t’i dhurohet Sportingut në favor të reduktimit të çmimit për Gyokeres në krahasim me klubet tjera që janë të interesuara për 26-vjeçarin.

Është një strategji e vështirë për t’u realizuar, por në fund mund të rezultojë gjeniale nëse gjithçka shkon sipas planeve të tyre./Telegrafi/