Barcelona del me reagim rreth skandalit të Luis Ruibales dhe vendimit të tij

Gjatë festimit të Kupës së Botës të Spanjës për gra të dielën e javës së kaluar, presidenti spanjoll i futbollit Luis Rubiales kapi legjendën e Barcelona Femeni, Jenni Hermoso dhe e puthi në buzë.

Rubiales iu desh të shpjegonte veprimet e tij sot në Asamblenë e Përgjithshme të RFEF dhe këmbënguli: “Unë nuk do të jap dorëheqjen”, me anëtarët e federatës spanjolle që mbështesin vendimin e tij dhe vendosën të mos e largojnë atë.

Barcelona tani ka lëshuar një deklaratë zyrtare për të gjithë sagën.

Lexo po ashtu Dy yjet e Spanjës refuzojnë ta veshin fanellën shkaku i Luis Rubiales

Në deklaratë thuhet: “Pas Asamblesë së Jashtëzakonshme të RFEF (Federatës Spanjolle të Futbollit) të mbajtur të premten, rezulton se shpjegimi i dhënë presidentit të Federatës, z. Rubiales, ka qenë i mjaftueshëm për anëtarët e pranishëm në Kuvend, të cilët kanë autoritetin për ta konfirmuar atë në pozicionin e tij”.

“FC Barcelona, ​​megjithatë, dëshiron të bëjë të qartë se e konsideron plotësisht të pahijshme dhe të papërshtatshme sjelljen e presidentit të RFEF-së gjatë festimeve për fitoren e Kupës së Botës të arritur nga ekipi spanjoll i grave. Incidentin ne e konsiderojmë të mjerueshme dhe vetë zoti Rubiales e ka pranuar. Ishte një gabim dhe kërkoi falje”.

“Në dritën e incidentit të tij të pajustifikueshëm, FC Barcelona mbetet e përkushtuar ndaj politikës së saj për të mbështetur sportin e grave, barazinë midis burrave dhe grave në sport dhe në shoqëri në përgjithësi, dhe për të garantuar sigurinë e grave në sport dhe për të denoncuar çdo sjellje që shkel parimet dhe statutet tona”, përfundon reagimi i tyre. /Telegrafi/

FC Barcelona statement
🔗 https://t.co/VKxFP7GI5v pic.twitter.com/o0QWTDnBDO

— FC Barcelona (@FCBarcelona) August 25, 2023