Barcelona del me një pikë nga ‘San Mames’ – super goli i Depay shpëton katalunasit nga humbja

Athletic Bilbao dhe Barcelona kanë ndarë pikët në ndeshjen e javës së dytë në La Liga me rezultat 1-1.

Ndeshja nisi me shumë emocione dhe rast nga të dyja palët. Që në start Inaki Williams rrezikoi, por pa sukses.

Matin Braithwaite po ashtu pasoi mirë te Memphis Depau, por ky i fundit nuk ishte i saktë.

William sërish kishte rast të mirë, por portieri Neto ishte në vend.

Athletico Bilbao kishte edhe dy raste të mira në pjesën e parë, por Unai Vencedor dhe Willian nuk shënuan.

Me të filluar pjesa e dytë Bilbao e gjeti golin. Inigo Martinez shënoi pas  harkimit të Iker Munain për 1-0.

https://twitter.com/Papuyo14/status/1429190786541924352

Barcelona nuk u pajtua me këtë rezultat dhe filloi sulmet ku Sergino Dest rrezikoi bukur, por portieri Julen Agirrezbala ishte në vend.

Pas tij rrezikoi edhe Frenike de Jong, por arriti të befasojë portierin në minutën e 75-të.

Menjëherë pas këtij rasti erdhi rasti tjetër për Barcelonën, ku Sergi Roberto pasoi bukur te Depay i cili me një goditje të fuqishme shënoi për 1-1.

https://twitter.com/kekolandik/status/1429196315225960458

Holandezi kishte super rast që ta rrëmbente fitoren për Barcelonën, por në minutën e 85-të, gaboi i vetëm me portier.

Në fund të dy skuadrat kishin nga një gjysmërast, por gola nuk kishte.

Barcelona tani ka katër pikë nga dy ndeshje, ndërsa Bilbao ka dy pikë. /Telegrafi/